Elordada jedel järdem brigadasynyŋ feldşerıne qol kötergen er adam ūstaldy. Oǧan medisina qyzmetkerıne küş qoldanu faktısı boiynşa qylmystyq ıs qozǧaldy, dep habarlaidy "Adyrna" ūlttyq portaly.
Işkı ıster ministrlıgınıŋ mälımetınşe, jedel järdem brigadasy şaqyrtu boiynşa sauda ortalyǧyna barǧan. Oqiǧa ornynda mas küide bolǧan ekı er adam bolǧan. Olardyŋ bırı özın jaisyz sezınetının aitqan.
Medisina qyzmetkerlerı tekseru jürgızıp, qajettı kömek körsetkennen keiın ketpek bolǧan. Sol sätte er adamdardyŋ bırı agressiia tanytyp, feldşerge soqqy jasaǧan.
Atalǧan derek boiynşa polisiia medisina qyzmetkerıne küş qoldanu faktısımen qylmystyq ıs qozǧady. Tergeu amaldary jürgızılıp jatyr.
Ūqsas jaŋalyqtar
