AQŞ prezidentı Donald Tramp İran liderlerın «aqylynan adasqan jaman adamdar» dep sipattap, olardy öltıru ol üşın «ülken märtebe» ekenın mälımdedı. Būl turaly VVS jazdy, dep habarlaidy "Adyrna".
Tramp öz habarlamasynda AQŞ-tyŋ «İrandaǧy terroristık rejimdı tolyq joiyp jatqanyn» jazyp, «bızdıŋ oq-därı men ot küşımız şeksız, al uaqyt köp - bügın osy aqylynan adasqan jaman adamdarǧa ne bolatynyn köresızder» dedı.
«Olar 47 jyl boiy älemnıŋ tükpır-tükpırınde kınäsız adamdardy öltırdı, al men, AQŞ-tyŋ 47-prezidentı, endı olardy öltıremın. Būl qandai ülken märtebe?!» – dedı Tramp.
28 aqpanda AQŞ pen İzrail İranǧa qarsy soǧys bastady, nätijesınde İrannyŋ joǧarǧy köşbasşysy Äli Hamenei men bırneşe joǧary lauazymdy äskeri qyzmetker qaza tapty.
Onyŋ ūly jäne mūragerı Modjtaba Hamenei AQŞ-qa jaqyn odaqtastardyŋ bazalaryna soqqylardy jalǧastyratynyn mälımdedı. Ol soǧys bastalǧanda, äkesınıŋ, äielı men balasynyŋ qaza tapqanyn da aitqan bolatyn.
