Алматыда екі көлік соғысып, бір адам көз жұмды, деп хабарлайды "Адырна" ұлттық порталы Zakon.kz-ке сілтеп.
Апат Рысқұлов даңғылы мен Бұқтырма көшесі аралығында орын алды.
24 ақпан күні Mercedes-Benz Actros жүк көлігі мен Mazda 626 жеңіл көлігі соқтығысқан.
Жүк көлігі жүргізушісінің айтуынша, ол солтүстік бағытта қозғалып келе жатқанда қарсы жолақтан жоғары жылдамдықпен келе жатқан Mazda көлігін көрген. Mazda жылдамдығын бәсеңдетпей, траекториясын өзгертпеген. Нәтижесінде соқтығысу орын алған.
Оқиға салдарынан жеңіл көліктің жүргізушісі, 2006 жылы туған жас жігіт, көліктің ішінде қысылып қалған. Құтқарушылар оны қиратылған көліктен алып шықты, бірақ дәрігерлер оның қайтыс болғанын растады.
Полиция оқиғаның барлық мән-жайын анықтап жатыр. Апат салдарынан Құлжа тас жолының екі бағытында қозғалыс уақытша шектелген.
