2026 jylǧy 19 aqpanda Qazaqstan Respublikasy Ortalyq sailau komissiiasy (OSK) janyndaǧy Mügedektıgı bar adamdardyŋ sailau qūqyqtaryn qamtamasyz etu jönındegı jūmys tobynyŋ otyrysy öttı. Jiynda sailau uchaskelerın qoljetımdı etu boiynşa bırqatar şaralar men pilottyq jobalar talqylandy.
OSK habarlauynşa, elektoraldyq nauqandar kezınde uchaskelerdı bırınşı qabatta ornalastyru, pandustar, kötergış qūrylǧylar, taktildı baǧyttaǧyştar, şaqyru batyrmalary jäne avtokölıkterge arnalǧan arnaiy tūraq oryndarymen jabdyqtau arqyly mügedektıgı bar azamattar üşın qajettı infraqūrylym qamtamasyz etılude.
Aumaqtyq komissiialar mälımetıne säikes, uchaskelerde mügedektıgı bar adamdarǧa arnalǧan būryştar ülkeneitkışter, qūlaqqaptar, arnaiy dauys beru kabinalary jäne aqparattyq materialdarmen jabdyqtalǧan. Sonymen qatar, köru qabıletı būzylǧandarǧa audioaqparat, estu qabıletı tömen azamattarǧa surdoaudarmamen beinematerialdar, kreslo-arbamen jüretınderge beiımdelgen aqparattyq materialdar ūsynylady.
Referendumǧa arnalǧan şaqyru qaǧazdary QR-kodpen äzırlenıp, üilerdı aralau barysynda azamattardyŋ arnaiy qyzmetterge qajettılıgı naqtylanatyn bolady. Biulletenderde Brail qarpımen trafaretter, audiobiulletender barlyq sailau uchaskelerınde qoljetımdı bolady. Sonymen qatar Konstitusiia jobasynyŋ audionūsqasy da ornalastyrylatyn bolady.
Jiynda sondai-aq barlyq deŋgeidegı referendum komissiialarynyŋ müşelerı üşın mügedektıgı bar adamdardyŋ sailau qūqyqtaryn qamtamasyz etu mäselelerı boiynşa beinekurs ūiymdastyrylǧany habarlandy.
Aqtöbe jäne Pavlodar oblystarynyŋ täjıribesı boiynşa uchaskelerde elektrondyq ülkeitkışter, induksiialyq ılmekter, jaryqtyq jäne dybystyq aqparattandyrǧyştar, sondai-aq Brail qarpımen körsetılgen uchaske syzbalary qoldanyluda. Būl täjıribelerdı basqa öŋırlerde engızu jūmystary jergılıktı atqaruşy organdarmen bırlesıp pysyqtaluda.
