18 aqpan künı Resei, AQŞ jäne Ukraina arasynda ötken kelıssözder ekı saǧatqa sozyldy. Būl turaly Jenevadaǧy kelıssözderde Resei delegasiiasyn basqarǧan Vladimir Medinskii mälımdedı, dep habarlaidy «Adyrna» tılşısı.
«Özderıŋız bıletındei, kelıssözder ekı kün öttı. Keşe ärtürlı formatta öte ūzaqqa sozyldy, al bügın taǧy şamamen ekı saǧatqa jalǧasty. Olar auyr, bıraq ıskerlık sipatta öttı», – dedı ol jurnalisterge kezdesuden keiın.
Medinskiidıŋ aituynşa, kelıssözderdıŋ jaŋa raundy jaqyn uaqytta ötedı. Būl aqparatty «İnterfaks» agenttıgınıŋ derekközı de rastady. Sondai-aq Resei ökılderınıŋ 18 aqpanda Mäskeuge qaitatyny aityldy.
Ukraina delegasiiasyn Ūlttyq qauıpsızdık jäne qorǧanys keŋesınıŋ hatşysy Rustem Umerov basqardy. Ol kelıssözder barysynda belgılı bır ılgerıleu bolǧanyn jäne keibır mäselege tüsınıkteme engızılgenın aitty. Alaida «qazırgı kezeŋde egjei-tegjeiın jariialauǧa bolmaitynyn» atap öttı.
Ekı kündık kelıssözder qorytyndysy boiynşa Ukraina prezidentı Vladimir Zelenskii äskeri baǧytta belgılı bır progress bar ekenın mälımdedı. Alaida ol saiasi mäseleler boiynşa, äsırese Donbassqa baqylau ornatu jäne Zaporoje atom elektr stansasyna qatysty öz delegasiiasynan äskeri saladaǧydai ılgerıleu turaly aqparat estımegenın aitty.
Sonymen qatar Ukraina prezidentı Jenevadaǧy kelıssözderge europalyq elder ökılderınıŋ köptep qatysqanyn atap öttı.
«Bız üşın Europanyŋ qatysuy öte maŋyzdy», – dedı Zelenskii.
