Qazaqstandyq aralas jekpe-jek şeberı Şavkat Rahmonov UFC alaŋyna şyqpauyna ne sebep bolǧanyn tüsındırdı. Būl turaly ol H äleumettık jelısındegı jazbasynda aitty, dep habarlaidy "Adyrna".
Jazbasynda sportşy ekınşı ret ota jasatqanyn jäne torly alaŋǧa şyǧu merzımı taǧy da keiınge şegerılgenın mälımdedı.
"Jauyngerdıŋ joly eşqaşan oŋai bolǧan emes. Ömır bızge jeŋe almaityn qiyndyqtardy bermeidı. Ärbır armannyŋ öz qūny bar, keide ol densaulyqqa bailanysty bolady. Bügın şyndyǧyn aitsam, jaraqatyma bailanysty taǧy bır operasiia jasauǧa tura keldı. Tolyq qalpyna kelu üşın uaqyt qajet. Sondyqtan oktagonǧa oraluym keiınge qaldyryldy", – dedı Şavkat Rahmonov.
Ol būl jaŋalyqtyŋ özı üşın auyr bolǧanyn da jasyrmady.
"Mūny qabyldau qiyn. Alaida ärbır şegınıs ülken jospardyŋ bır bölıgı ekenıne şyn jürekten senemın. Men būrynǧydan da küştırek, aqyldyraq ärı aş küide oralamyn. Maqsatym özgergen joq – UFC belbeuın Qazaqstanǧa äkelu. Qandai jaǧdai bolmasyn, menı qoldap jürgen jandarǧa alǧys aitamyn", – dedı sportşy.
Aldyn ala mälımetke säikes, Şavkat Rahmonovtyŋ tolyq qalpyna keluı üşın kem degende 9 ai qajet.
