Konstitusiialyq komissiianyŋ üşınşı otyrysynda Äl-Farabi atyndaǧy QazŪU professory, zaŋ ǧylymdarynyŋ doktory Erkın Düisenov jalpy erejeler turaly jäne adam qūqyqtary men bostandyqtaryna qatysty bölımderdı tüzetudıŋ üş negızgı täsılın atady.
Düisenovtıŋ aituynşa, «Jalpy erejeler» bölımın «Konstitusiialyq qūrylys negızderı» dep qaita atau erekşe maŋyzdy.
«Jalpy erejeler» bölımınıŋ atauyn «Konstitusiialyq qūrylystyŋ negızderı» dep özgertudı tolyq qoldaimyn. Būl bölım Qazaqstan memlekettılıgınıŋ ırgetasy turaly, sondyqtan bız qazaqstandyq memlekettılıktıŋ qaǧidattary men täsılderın kötermelep qana qoimai, konstitusiialyq-qūqyqtyq joldaular arqyly azamattardyŋ naqty qūqyqtyq sanasyn qalyptastyruǧa tiıspız", – dep atap öttı ol.
Ekınşı maŋyzdy naqtylau – eŋbek qūqyǧyn tūjyrymdaudy naqtylau, - dep atady Erkın Düisenov.
«Eŋbek bostandyǧyn emes, eŋbekke qūqyqty körsetu turaly ūsynysty qoldaimyn. Būl Qazaqstan ratifikasiialaǧan ekonomikalyq, äleumettık jäne mädeni qūqyqtar turaly halyqaralyq paktıge säikes keledı. Basqa qatysuşy memleketter är adamnyŋ naqty eŋbek etu qūqyǧyn moiyndaidy», - dep bölıstı spiker.
Sonymen qatar spiker Konstitusiiada neke turaly normanyŋ bekıtıluın qoldady.
«Neke erler men äielderdıŋ zaŋǧa säikes memleket tırkegen erıktı jäne teŋ qūqyqty odaǧy bolyp tabylady degen normany engızudı qoldaimyn. Mūndai täsıl zaiyrly memlekettıŋ saiasatyna, teŋdık pen kemsıtpeuşılıkke, sondai-aq ūltymyzdyŋ ruhani-adamgerşılık kodyna säikes keledı", - dep atap öttı erkın Düisenov.
