Abu-Dabide Resei, Ukraina jäne AQŞ ökılderınıŋ qatysuymen üşjaqty kelıssözder öttı. Kelıssözderdıŋ negızgı taqyryby aumaqtyq mäseleler bolǧany aityldy, alaida mazmūny jönınde tolyq aqparat jariialanǧan joq. Būl tupaly VVS jazdy, dep habarlaidy "Adyrna".
Kelıssözder 23 qaŋtar, jūma künı tüsten keiın bastalyp, 24 qaŋtar, senbı künı aiaqtaldy. Ukraina atynan Ūlttyq qauıpsızdık jäne qorǧanys keŋesınıŋ hatşysy Rustem Umerov bastaǧan delegasiia qatysty. AQŞ delegasiiasy qūramynda prezidenttıŋ arnaiy ökılı Stiv Uitkoff, Djared Kuşner jäne Ukraina boiynşa arnaiy ökıl, AQŞ armiiasynyŋ ministrı Den Driskoll boldy.
Resei delegasiiasyn Bas ştabtyŋ Bas basqarmasy (GRU) basşysy İgor Kostiukov basqardy. Delegasiia qūramyna Qorǧanys ministrlıgınıŋ ökılderı kırdı.
Delegasiia müşelerınıŋ esımderı resmi türde jariialanbady. Alaida «Agentstvo» basylymy fotosuretterge süiene otyryp, qatysuşylardyŋ qatarynda GRU aqparat basqarmasy basşysynyŋ bırınşı orynbasary Aleksandr Zorin men audarmaşy İlia Kurepov bolǧanyn habarlady.
Ukraina prezidentı keŋsesınıŋ mälımetınşe, kelıssözder bırneşe formatta, sonyŋ ışınde jekelegen toptardyŋ kezdesulerı türınde öttı. Reseidıŋ TASS agenttıgı de kezdesulerdıŋ ärtürlı formatta ūiymdastyrylǧanyn rastady.
Reuters agenttıgınıŋ habarlauynşa, BAÄ ükımetınıŋ ökılı kelıssözder barysynda Resei men Ukraina delegasiialary ökılderınıŋ tıkelei bailanysqa şyqqanyn mälımdegen.
Ukraina prezidentı Vladimir Zelenskii kelıssözderdı «pozitivtı jäne konstruktivtı» dep baǧalap, olardyŋ alǧaşqy künınde delegasiiasynyŋ baiandamasyn tyŋdaǧan soŋ: «Būl — soŋǧy jyldaryǧy alǧaşqy ekı kündık üşjaqty kezdesuler formaty. Köptegen mäseleler talqylandy, jäne eŋ bastysy, söilesuler konstruktivtı boldy», – dedı.
Bırınşı künnıŋ qorytyndysy boiynşa Ukraina delegasiiasynyŋ basşysy Rustem Umerov kezdesudıŋ «Resei soǧysyn aiaqtau parametrlerıne jäne kelıssözder prosesınıŋ logikasyna arnalǧanyn, maqsat – laiyqty ärı tūraqty beibıtşılıkke jetu» dep habarlady.
Zelenskii aldyn ala kezdesudıŋ negızgı taqyryby Donbass boluy kerek ekenın aitqan. Kelıssözden keiın ol talqylaudyŋ «soǧysty aiaqtau mümkındıkterıne» baǧyttalǧanyn jetkızdı.
«Amerikalyq baqylau men qauıpsızdıktı qamtamasyz etudıŋ maŋyzdylyǧyn baǧalaimyn», – dep jazdy ol Telegram-da.
Kezdesu qorytyndysy boiynşa taraptar «kelısken mäselelerdı öz astanalarynda habarlap, keiıngı qadamdardy köşbasşylarmen kelısedı». Ukraina jaŋa kezdesulerge, sonyŋ ışınde kelesı aptadaǧy kezdesulerge daiyn ekenın mälımdedı.
Tramptyŋ arnaiy ökılı Stiv Uitkoff Abu-Dabidegı üşjaqty kezdesulerdı kelesı aptada jalǧastyru josparlanǧanyn aitty.
«Jūma jäne senbıde AQŞ, Ukraina jäne Resei üşjaqty kezdesudı ötkızdı, būl mümkındıkke BAÄ ükımetı yqpal ettı. Kelıssözder öte konstruktivtı öttı, ärı dialogty kelesı aptada jalǧastyruǧa uaǧdalastyq. Prezident Tramp pen onyŋ komandasy osy soǧysty toqtatyp, beibıtşılık ornatuǧa şeşım qabyldaǧan», – dedı Uitkoff.
Axios agenttıgınıŋ habarlauynşa, kelesı kezdesu 1 aqpanda Abu-Dabide ötedı dep josparlanǧan.
Jurnalist Barak Ravid ukrainalyq şeneunıkke sılteme jasap kelıssözderdı «pozitivtı» jäne «konstruktivtı» dep baǧalaǧanyn jazdy. AFP agenttıgı BAÄ ükımetınıŋ ökılı de atmosferany «pozitivtı jäne konstruktivtı» dep ataǧanyn habarlady. TASS derekközı kelıssözderdıŋ «nätijesı bar» ekenın jäne Abu-Dabide jaqyn künderı üşjaqty formatta jalǧasuy mümkın ekenın aitty. Reuters agenttıgı amerikandyq resmi tūlǧaǧa sılteme jasap, jaŋa raund kelesı jeksenbıde ötetının habarlady.
Axios agenttıgı habarlaǧandai, amerikalyq delegasiia müşelerı – Kuşner, Uitkoff jäne basqa ökılder Resei-Ukraina jūmys tobynyŋ kezdesulerı ötetın bölmeler arasynda jürıp, barlyq mäselelerdı talqylaǧan.
Amerika şeneunıkterınıŋ aituynşa, ekı kündık kelıssöz barysynda Reseidıŋ Donbasstaǧy aumaqtyq talaptary, Zaporoje atom stansiiasy mäselesı jäne ekı tarap üşın de daǧdarysty azaitu şaralary qarastyrylǧan. Maqsat – soǧystyŋ aiaqtalǧanyn körsetu jäne onyŋ qaita bastalmauyn qamtamasyz etu.
Ekınşı künnıŋ soŋynda üş delegasiia bırge tüskı asqa otyrdy.
«Belgılı bır sätte bärı derlık dostar siiaqty körındı. Ümıt paida boldy», – dedı amerikalyq şeneunık.
Al Resei tarapy aumaqtyq mäseleler boiynşa Vaşingtonnyŋ ūstanymymen kelısuge mäjbür boldy.
Būl turaly The Times basylymy reseilık diplomatqa sılteme jasap jazdy.
«Bız aldymen aumaqtyq şegınısterge qatysty qandai da bır mındetteme aluǧa ümıttendık. Alaida kelıssözderdıŋ soŋynda amerikalyqtardyŋ pozisiiasymen kelısuge tura keldı», – dedı derekköz Abu-Dabidegı kelıssözderdıŋ alǧaşqy künınen keiın.
Amerikalyq resmi tūlǧalar Abu-Dabidegı kezdesudı kelesı kelıssözder kezeŋıne maŋyzdy qadam dep baǧalady. Eger kelesı kezdesude ülken progress baiqalsa, taraptar Mäskeu nemese Kievte kezdesuı mümkın.
