Tanymal bloger Qaisar Qamzaǧa halyqaralyq ızdeu jariialandy. Būl turaly bügın, 14 qaŋtarda Qarjylyq monitoring agenttıgı aitty, dep habarlaidy
«Qazaqstan Respublikasynyŋ azamaty 1995 jylǧy 18 qyrküiekte tuǧan Qamza Qaisar Baqytjanūlyna halyqaralyq ızdeu jariialandy. Sotpen oǧan qatysty «qamauda ūstau» türındegı būltartpau şarasy sanksiialanǧan»,-delıngen habardamada.
Bloger zaŋsyz oiyn biznesıne järdemdestı degen küdıkke ılınude.
Küdıktı 5 jyl boiy «Instagram» äleumettık jelısınde, «qais_arr» atauymen (2,4 mln jazyluşy) belsendı blogerlık qyzmet jürgızıp, sondai-aq «Telegram»-daǧy «Qora enterteinment» jabyq arnasyn (368 myŋ jazyluşy) basqarǧan.
«Küdıktı äleumettık jelılerdegı jeke akkaunttaryn paidalana otyryp, Qazaqstan Respublikasynyŋ azamattary üşın «Pinco» saitynda tırkeluge jäne qūmar oiyndarǧa qatysuǧa baǧyttalǧan tıkelei sıltemelerdı, grafikalyq elementterdı jäne ündeulerdı qamtityn beinematerialdar men jariialanymdardy jüielı türde ornalastyrǧan. Sonymen qatar beinerolikterdıŋ astynda paidalanuşylarǧa bonus beretın jeke promokodyn körsetken. Osylaişa, Qamza Q.B. azamattardy qūmar oiyndarǧa tartuǧa baǧyttalǧan onlain-platformany jarnamalap, oiyn platformasynan syiaqylar, bonustar nemese paiyzdyq audarymdar türınde tabys alyp otyrǧan»,-dep tolyqtyrdy QMA.
Zaŋsyz jolmen alynǧan kırısterdı jasyru maqsatynda küdıktı kriptoämiiandy paidalanǧan. Oǧan «Pinco» internet-kazinosynyŋ ūiymdastyruşylarynan tölemder tüsıp otyrǧan. Sot sanksiiasymen 182 736,741 USDT kölemındegı kriptoaktivterge tyiym salyndy.
