Ankarada Türkı mädenietı halyqaralyq ūiymynda (TÜRKSOI) türkı halyqtarynyŋ ruhani-mädeni mūrasyndaǧy ana beinesıne arnalǧan «Türkı älemınıŋ analary: dästür jäne qazırgı zaman» atty halyqaralyq döŋgelek üstel men «Türkı älemınıŋ analary» atty halyqaralyq körme öttı.
Şaranyŋ maqsaty – türkı örkenietıne tän ana bolmysyn, meiırım men danalyqty, ruhani qaisarlyqty jäne ūrpaq sabaqtastyǧyn därıpteu. Is-şara halyqaralyq «Türkı älemınıŋ analary» körmesı aiasynda ūiymdastyrylyp, analar tūlǧasy arqyly türkı halyqtarynyŋ ortaq mädeni kodyn tanystyruǧa baǧyttaldy.
Döŋgelek üstel barysynda türkı halyqtaryndaǧy anaǧa qūrmet körsetu dästürınıŋ tarihi-mädeni negızderı, äieldıŋ qoǧamdaǧy jäne otbasyndaǧy orny, ūlttyq qūndylyqtardy saqtau täjıribesı jan-jaqty talqylandy. Qatysuşylar gumanitarlyq, mädeni jäne bılım beru salalarynda ortaq jobalar äzırleuge niet bıldırdı.
Jiynǧa Qazaqstan, Türkiia, Türıkmenstan elderınen memlekettık, ǧylymi jäne qoǧamdyq ūiymdardyŋ ökılderı qatysty. Atap aitqanda: Is-şaraǧa Türkiia Respublikasynyŋ Otbasy jäne äleumettık qyzmetter vise-ministrı Leman Ienigün, TÜRKSOI Bas hatşysy Sūltan Raev, Qazaqstannyŋ TÜRKSOI-daǧy ökılı Nyşangül Qarataeva, Türıkmenstannyŋ TÜRKSOI-daǧy ökılı Lachin Ovazgeldieva, Türkiia Respublikasynyŋ Ädılet jäne damu partiiasynyŋ Türkı memleketterımen bailanystar jönındegı töraǧa orynbasary doktor Reşide Iýksel, Qazaqstan halqy Assambleiasy Respublikalyq Analar keŋesınıŋ töraǧasy, Qazaqstan Respublikasy Prezidentı janyndaǧy Äielder ısterı jäne otbasylyq saiasat jönındegı ūlttyq komissiianyŋ müşesı Nazipa Şanai, QR Ūlttyq muzeiı direktorynyŋ ǧylymi jūmys jönındegı orynbasary Aqmaral İbraeva, IýNESKO qamqorlyǧyndaǧy «Mädenietterdı jaqyndastyru ortalyǧy» muzeiı direktorynyŋ orynbasary Saltanat Äşımova, «Mädenietterdıŋ özara ärekettesu ortalyǧy» qoǧamdyq bırlestıgınıŋ direktory Ümıthan Mūnalbaeva, « TURKTAV» qorynyŋ atqaruşy direktory Äsel Lahaeva, sondai-aq türkı älemınıŋ äiel köşbasşylary qatysty.
Şarada qūttyqtau sözder men taqyryptyq baiandamalar ūsynylyp, türkı halyqtary arasyndaǧy ruhani yntymaqtastyqty arttyru baǧytyndaǧy pıkırtalastar öttı. Körme aiasynda türkı mädenietındegı Ana beinesı men ruhani sabaqtastyqty beineleitın jädıgerler köpşılık nazaryna ūsynyldy.
TÜRKSOI Bas hatşysy Sūltan Raev türkı äielderınıŋ ruhani köşbasşylyq rölıne joǧary baǧa berıp, mädenietaralyq dialogty damytuǧa üles qosqan bırqatar qatysuşylardy Alǧys hattarmen marapattady.
Leman Ienigün Türkı älemınıŋ mädenietınde ana tek otbasynyŋ ǧana emes, bükıl ūlttyŋ özegı retınde qabyldanatynyn, Orhon jazbalarynan bastap Qorqyt ata kıtabynda ana beinesı danalyqtyŋ, tözımnıŋ, meiırımdılık pen erlıktıŋ simvoly retınde ǧasyrlar boiy ortaq jadymyzda saqtalyp keletının aita kele, Türkiianyŋ äielder men otbasyna qatysty äleumettık saiasattaǧy täjıribesımen bölısuge daiyn ekenın, ortaq mäselelerdı türkı elderı bırlese şeşuı qajet ekenın atap öttı.
Qazaqstan halqy Assambleiasy Respublikalyq Analar keŋesınıŋ töraǧasy Nazipa Şanai TÜRKSOI şaŋyraǧynyŋ astynda analarǧa arnalǧan halyqaralyq qoǧamdyq ūiym qūru turaly bastama köterıp, onyŋ ruhani mūrany saqtau men gumanitarlyq yntymaqtastyqty keŋeitu ısındegı maŋyzdylyǧyn atap öttı. Qoldau tapqan jaǧdaida būl qūrylym «Türkı älemınıŋ analary» atty halyqaralyq qoǧamdyq ūiym retınde jūmys ıstei alatynyn jetkızdı.
Jiynda Qazaqstan Prezidentı Qasym-Jomart Toqaevtyŋ Türkı memleketterı ūiymynyŋ mereitoilyq sammitındegı sözı eske alynyp, eldıŋ salt-dästür, reformalar, bılım, ǧylym, senım, investisiia jäne mediasiia baǧyttaryndaǧy bastamalar talqylandy. Türkiia Prezidentı Rejep Taiyp Erdoǧannyŋ 2025 jyldy Otbasy jyly dep jariialauy jäne «Türkı älemınıŋ keleşegı – 2040» qūjatynyŋ qabyldanuy ana men otbasy qūndylyqtaryn nyǧaitu jolyndaǧy ortaq strategiialyq ūstanymdardy aiqyndaityny atap ötıldı.
Lachin Ovazgeldieva Türıkmenstandaǧy otbasy jäne ana saiasaty boiynşa memlekettık qoldau şaralaryn tanystyrdy.
IýNESKO qoldauyndaǧy ortalyq ökılı Saltanat Äşımova aqyn, memleket jäne qoǧam qairatkerı Oljas Süleimenovtıŋ TÜRKSOI-ǧa joldaǧan alǧys hatyn oqyp, mūndai şaralardyŋ Türkı älemınıŋ özara jaqyndasuyna zor üles qosatynyn jetkızdı.
Türkiia Respublikasynyŋ Ädılet jäne damu partiiasynyŋ Türkı memleketterımen bailanystar jönındegı töraǧa orynbasary doktor Reşide Iýksel Tomiris, Domalaq ana, Aiǧanym hanym, Mänşük pen Äliia syndy qazaqtyŋ ūly analaryn, sondai-aq Anadolynyŋ Nene Hatun, Fatma Seher Erden jäne Halime Chavuş syndy tarihi tūlǧalaryn atap ötıp, olardyŋ erlıgı men ruhani quaty türkı äielderınıŋ ortaq beinesın qalyptastyratynyn aitty.
Almaty oblysy «Anaǧa qūrmet» muzeiınıŋ mūryndyq boluymen de körme ūiymdastyryldy.
«Türkı älemınıŋ analary: dästür jäne qazırgı zaman» atty döŋgelek üstel türkı halyqtary arasyndaǧy mädeni dialogty tereŋdetıp, ruhani sabaqtastyqty analardyŋ beinesı arqyly därıpteudıŋ maŋyzdy alaŋyna ainaldy. Şara barysynda analar keŋesterınıŋ qoǧamdyq äleuetı, gumanitarlyq bastamalardy qoldaudyŋ maŋyzy jäne otbasy qūndylyqtaryn saqtau mäselelerı erekşe atap ötıldı.
Jiyn soŋynda Türkı älemınıŋ äielder Odaǧyn qūru turaly bastamalyq ideialar da ortaǧa salyndy.
