Tanymal änşı Meruert Tüsıpbaeva jelıdegı paraqşasynda qaiǧyly habarmen bölıstı, dep habarlaidy "Adyrna" ūlttyq portaly.
Änşınıŋ aituynşa, äkesı Balǧabai Tüsıpbaev 88 jasyna qaraǧan şaǧynda dünieden ötken.
«Papam fäni jalǧannan ozdy… Ädette, 88 jas degen toi ǧoi dep jūbatady jaqyndar. Osy sözdermen kelısseŋ de, qoştasu öte qiyn… Äkem menı tört qyzynyŋ ışınen bölıp, erekşe jaqsy kördı», – dep jazdy ol.
Meruert Tüsıpbaeva äkesınıŋ Baianauyl öŋırınıŋ mädenietı men önerın damytuǧa üles qosqanyn, baian men dombyrany şeber meŋgergen önerlı jan bolǧanyn atap öttı.
«Balǧabai Tüsıpbaev Baianauyl öŋırınıŋ mädenietı men önerınıŋ damuy jolynda aianbai eŋbek etken, baian men dombyra aspaptaryn şeber meŋgergen äuesqoi änşı edı. Baian öŋırıne esımı keŋınen tanys, önerlı jan edı… Ruhyŋyz peiışte şalqysyn, papa…» – dep jazdy öner iesı.
