Işkı ıster ministrlıgınde jeke qūram arasyndaǧy tärtıp pen zaŋdylyqty qamtamasyz etu mäselesıne arnalǧan keŋeitılgen alqa otyrysy öttı. Jiynda Erjan Sädenov tärtıptı jiı būzuǧa beiım qyzmetkerlerge qataŋ şara qabyldaudy tapsyrdy, dep habarlaidy "Adyrna" ūlttyq portaly.
Ministr polisiia qyzmetınıŋ kürdelı jäne jauapty ekenın atap ötıp, qyzmetkerlerdıŋ basym bölıgı öz mındetın adal atqaryp jürgenın aitty. Alaida jekelegen tärtıp būzuşylyqtar bükıl ūjymnyŋ bedelıne nūqsan keltıretının eskerttı.
«Kün saiyn myŋdaǧan qyzmetkerlerımız halyqty qorǧap, öz boryşyn adal oryndap jür. Bıraq bırlı-jarym tärtıp būzuşylyqtar osy eŋbektıŋ bärın köleŋkede qaldyrady. Būl bızge abyroi äpermeidı», – dedı ministr.
Osyǧan bailanysty Erjan Sädenov aumaqtyq bölımşeler basşylaryna jeke qūram arasynda tärtıptı küşeitudı, tärtıp būzuǧa beiım qyzmetkerlerge erekşe baqylau ornatudy jäne tüzeluge qabıletı joq poliseilerge qatysty batyl kadrlyq şaralar qabyldaudy tapsyrdy.
Sonymen qatar, ministrlık jas qyzmetkerlermen jeke profilaktikalyq jūmys jürgızıp, tälımgerlıktı küşeitu jäne aşyq sot, ofiserlık jinalystar täjıribesın keŋınen qoldanu qajettıgın atap öttı.
Aita keteiık, 13 qazanda Erjan Sädenov Qaraǧandydaǧy polisei men ölı äielge qatysty oqiǧany «ūiat jaǧdai» dep baǧalaǧan bolatyn.
