Bas prokuratura Bolat Nazarbaevtyŋ ūly Nūrbol Nazarbaevqa qatysty qozǧalǧan qylmystyq ıstı toqtatu turaly şeşımnıŋ küşın joidy, dep habarlaidy "Adyrna" ūlttyq portaly.
Būl turaly Bas prokuror Berık Asylov deputattyq saualǧa bergen jauabynda aitty.
Vedomstvonyŋ mälımetınşe, ıstıŋ materialdary qosymşa tekseruge jıberılgen.
“Sotqa deiıngı tergeu materialdaryn zerdeleu jäne Quat Ermentaev ūsynǧan dälelderdı eskere otyryp, 2025 jylǧy 9 qazanda būryn qabyldanǧan şeşımnıŋ küşı joiyldy. Qazırgı uaqytta Almaty qalasy boiynşa Ekonomikalyq tergeu departamentı aitylǧan faktılerdı jan-jaqty jäne obektivtı tekseruge baǧyttalǧan qosymşa tergeu äreketterın jürgızıp jatyr”, – dedı Berık Asylov.
Būl ıs Porus kompaniiasyndaǧy 16 paiyzdyq ülestı zaŋsyz qaita tırkeu faktısıne qatysty qozǧalǧan. Kompaniia ülesı käsıpker Quat Ermentaevqa tiesılı bolǧan.
Būǧan deiın atalǧan ıs “reiderlık” babymen tergelıp, 2024 jylǧy 22 aqpanda qylmys qūramynyŋ bolmauyna bailanysty toqtatylǧan edı. Alaida Ermentaev jaŋa dälelder ūsynǧannan keiın Bas prokuratura ıstı qaita qarauǧa jıberdı.
Bankrotqa ūşyrady dep jariialanǧan Nazarbaev ısınıŋ būlyŋǧyrlyǧyna bailanysty būdan aldyn deputat Ermūrat Bapi dabyl qaqqan.
