Oblys äkımı Dastan Ryspekov Ūlytau audanyna qarasty Baiqoŋyr jäne Qosköl auyldaryna jūmys saparymen baryp, bırqatar infraqūrylymdyq jäne äleumettık nysandardyŋ jai-küiımen tanysty.
Sapar aiasynda öŋır basşysy Qarsaqbai–Baiqoŋyr baǧytyndaǧy oblystyq maŋyzy bar joldyŋ ortaşa jöndeu jūmystaryn baqylap, jol sapasynyŋ joǧary deŋgeide oryndaluyn qamtamasyz etudı tapsyrdy. Sonymen qatar, atalǧan baǧytpen jiı qatynaityn jük kölıkterınıŋ jöndeu jūmystaryna kedergı keltırmeuın qadaǧalap, tiıstı şaralardy qabyldaudy jüktedı.
Baiqoŋyr auylynda salynǧan feldşerlık-akuşerlık punkttıŋ qūrylysymen tanysqan oblys äkımı, aldaǧy uaqytta keletın medisina qyzmetkerlerın tūrǧyn üimen qamtamasyz etu mäselesın qarastyru qajet ekenın aitty.
Būdan bölek, öŋır basşysy auyldaǧy jalpy bılım beretın mektepke bardy. Bılım oşaǧyn qadaǧalap, biudjet qarajatyn ünemdı ärı tiımdı paidalanu, artyq şyǧyndarǧa jol bermeu qajettıgın tapsyrdy. Sonymen bırge balabaqşa jūmysymen tanysyp, nysandy ūqypty ūstau jäne jöndeu jūmystaryn jürgızu mındetteldı.
Sapar barysynda oblys äkımı Baiqoŋyr–Qosköl baǧytyndaǧy köktemgı su tasqynynan zardap şekken aumaqqa baryp, qalpyna keltıru jūmystarynyŋ sapaly oryndaluyn jäne aldaǧy köktemgı kezeŋge jan-jaqty daiyndyq jürgızudı mındettedı.
Sondai-aq oblys basşysy iu auyl tūrǧyndarymen jäne jergılıktı qauymdastyq müşelerımen kezdesıp, halyqtyŋ ūsynys-pıkırlerın tyŋdady. Tūrǧyndar negızınen jol jäne elektr quatyndaǧy aqaularǧa qatysty mäselelerdı köterdı. Öŋır basşysy köterılgen sūraqtardyŋ barlyǧy baqylauǧa alynatynyn jetkızdı.
Sondai-aq, Qosköl auylynda salynǧan feldşerlık-akuşerlık punkt qūrylysymen jäne qyzmet körsetıp tūrǧan mekteptıŋ jaǧdaiymen tanysyp, qalǧan jūmystardyŋ uaqytyly ärı sapaly aiaqtaluyn jäne bılım beru mekemesınıŋ materialdyq-tehnikalyq bazasyn nyǧaitu boiynşa naqty tapsyrmalar berdı.
