Elımızdıŋ barlyq öŋırınen kelgen 300-den astam mektep mūǧalımı, kolledjder men JOO oqytuşylary, studentter, ǧalymdar, bılım beru salasynyŋ ardagerlerı men sarapşylar qauymy«AMANAT» partiiasynyŋ «Mūǧalım Talks» keis-platformasynyŋ ekınşı otyrysynda bas qosty. Talqylau taqyryby – jasandy intellekt däuırındegı mūǧalımnıŋ rölı men bılım beru salasyndaǧy innovasiia. Sondai-aq erekşe közge tüsken pedagogtarǧa partiialyq jäne vedomstvolyq nagradalar tabystaldy.
Söz basynda Mäjılıs Spikerı, «AMANAT»partiiasynyŋ Töraǧasy Erlan Qoşanov mūǧalımderdı ötken käsıbi merekelerımen qūttyqtap, pedagogtardyŋ qoǧam ömırındegı jäne el damuyndaǧy airyqşa rölıne toqtaldy. Ol «AMANAT»-tyŋ negızgı tıregı pedagogtar ekenın atap öttı. Sebebı Qazaqstandaǧy 600 myŋ mūǧalımnıŋ 260 myŋǧa juyǧy – partiia müşelerı.
«Bızdıŋ aldymyzda tūrǧan negızgı mındet – adal, bılımdı, ädılettı azamat tärbieleu. Būl prosess üiden bastalyp, mektepte jalǧasyn tabady. Är balanyŋ otanşyl bolyp ösuı, ülkenge qūrmet, kışıge ızet körsete bıluı, ainalasyna, qorşaǧan ortaǧa jauapkerşılıkpen qarauy maŋyzdy. Prezident aitqandai, är adam özı adal bolsa, zaŋdy qūrmettese ǧana Ädılettı Qazaqstandy qūra alamyz. Al ondai buyn tärbieleu – mūǧalımderdıŋ tarihi missiiasy. Osy ıste partiia ärdaiym sızdermen bırge bolady», – dedı ol.
Partiia Töraǧasy sifrlandyru jäne jasandy intellekttı damytu mäselesıne erekşe nazar audardy. Ol Memleket basşysy Qasym-Jomart Toqaev öz Joldauynda Qazaqstandy üş jyl ışınde jappai sifrlyq elge ainaldyru turaly öte auqymdy mındet qoiǧanyn eske saldy. Būl bılım beru jüiesıne qajet maŋyzdy mümkındıkterge jolaşady.
«Mektep tek damu üderısıne ılesıp qana qoimai, ony basyp ozuǧa tiıs. Mäsele endı jasandy intellekt bılım beru jüiesınde qajet pe, joq pa degen saualda emes, ony tiımdı engızude.Bır närsenı ünemı este saqtau kerek – mūǧalım mekteptıŋ jüregı bolyp qala beredı. Jasandy intellekt mūǧalımdı almastyrmaidy, kerısınşe ony basy artyq jūmystan aryltyp, eŋ negızgı mındetın – oquşyǧa bılım beru, tärbieleu jäne tūlǧalyq qasietın qalyptastyru ısın alaŋsyz atqaruyna mümkındık beruge tiıs», – dedı Erlan Qoşanov.
Mäjılıs Spikerı Memleket basşysynyŋ bılım beru jüiesın qoldauǧa qatysty saiasaty men onyŋ tapsyrmasy boiynşa «Pedagog märtebesı turaly»Zaŋnyŋ qabyldanuy oŋ nätije bergenıne nazar audardy. Keiıngı tört jylda bılım beru salasyna bölıngen qarjy kölemı üş ese artty. Mūǧalımderdıŋ jalaqysy ekı ese östı. Biyldyŋ özınde mektepke on myŋnan astam jas maman keldı.Olardyŋ arasynda joǧary ball jinaǧan tülekter men «Altyn belgı» iegerlerı bar. Halyqaralyq zertteu nätijelerı mūǧalımderdıŋ basym köpşılıgı öz jūmysyna köŋılı tolatynyn körsettı.
Öz kezegınde, «AMANAT» partiiasy dapedagogtarǧa belsendı qoldau körsetıp keledı.Mäjılıstegı partiia fraksiiasynyŋ qoldauymen halyqaralyq ǧylymi konkurstardyŋ jeŋımpazdaryn tärbielegen pedagog-tälımgerlerge arnaiy tölem qarastyrylatyn zaŋ maqūldandy. Mūndai oquşylar endı «Bolaşaq» baǧdarlamasy boiynşa grantqa ümıtker bola alady. Zaŋnamalyq deŋgeide mektep qabyrǧasynda tamaqtandyru barysyn baqylaudy küşeitu, balabaqşalar men bılım beru ūiymdaryna jer uchaskelerın bölu, alǧaşqy äskeri daiyndyq pänı mūǧalımderınıŋ märtebesın arttyru boiynşa şaralar qabyldandy.
«AMANAT» partiiasynyŋ Töraǧasy ūstazdar qauymyn tolǧandyrǧan mäseleler de az emes ekenın atap öttı. Olardyŋ qatarynda, mektepqabyrǧasyndaǧy şamadan tys qaǧazbastylyq, türlı ıs-şarada kezekşılık etu, mektep chattary men äleumettık jelılerdı jürgızu jüktemesı, sondai-aq ūstazǧa tän emes özge de mındetter bar. Sondai-aq mūǧalımderdıŋ qauıpsızdıgın arttyru, olardy qorlau men psihologiialyq qysymnan tiımdı qorǧau normalaryn küşeitu qajet. Mūǧalımnıŋ eŋ negızgı mındetı – balalarǧa bılım beru. Ūstazdardy odanözgesı alaŋdatpauy kerek. «AMANAT» partiiasy būl ūstanymdy ärkez qorǧaityn bolady. Tıptı, zaŋnamalyq özgerıster engızuge de küş salady.
Partiia mūǧalımderdı jaŋa tehnologiialarmen jäne eŋ aldymen, jasandy intellektpen belsendı jūmys ısteuge daiyndaidy. Atap aitqanda, mūǧalımderge jaŋa tehnologiialardy igeruge kömektesetın tegın kurstar men ädıstemelık materialdary bar sifrlyq platforma qūru josparlanuda. Sondai-aq alǧaşqy ped-hakaton ötkızıledı. Onda mūǧalımder Jİ-dı mektepqabyrǧasynda qoldanuǧa qatysty öz ideialaryn ūsyna alady. Al üzdık ūstazdar şeteldetaǧylymdamadan ötu mümkındıgıne ie bolady. Sonymen qatar mūǧalımder Sifrlyq kodekstı äzırleu jūmysyna tartylady. Osy arqyly olardyŋ praktikalyq täjıribesı bılım beruprosesıne qatysuşylardyŋ müddesı qūjatta körınıs tabuyna kömektesedı.
Is-şara barysynda Premer-Ministrdıŋ orynbasary – Jasandy intellekt jäne sifrlyq damu ministrı Jaslan Mädiev pen Oqu-aǧartu ministrı Jūldyz Süleimenova söz söiledı. Sonymen qatar «Mūǧalım Talks» qatysuşylary özderınıŋ käsıbi tūrǧyda qalyptasu tarihymen bölıstı jäne ärıptesterımen bırge käsıbi syn-tegeurınderdı talqylady.
Almaty oblysy Ūzynaǧaş auylyndaǧy fizika pänınıŋ mūǧalımı Baqytälı Dauleşiar oquşylarmen bırge qolda bar zattardan qūral-saiman, tıptı jasandy qol protezın jasap, balalardy qalyptan tys oilauǧa üiretetının, ǧylymǧa degen süiıspenşılıkterın oiatatynyn aitty. Aqmola oblysy Arşaly auylyndaǧy tarih pänınıŋ mūǧalımı Olga Davydova STEM men jasandy intellekt ädısterın paidalanu arqyly tarih ǧylymyna jan bıtıruge bolatynyn körsettı. Türkıstannan kelgen qazaq tılı men ädebietı pänınıŋ mūǧalımı Ämäliiat Arqalyq pedagogty qajetsız qaǧazbastylyqtan aryltu üşın sifrlyq qūraldardy paidalanudy ūsyndy. Astana qalasyndaǧy informatika pänınıŋ mūǧalımı Saltanat Sadyqova jasandy intellekttı paidalana otyryp, tapsyrmalardy şaǧyn jobalarǧa ainaldyruda. Sol arqyly oquşylar öz şeşımın negızdeuge jäne qorǧauǧa üirenedı.
Semei qarjy-ekonomikalyq kolledjı direktorynyŋ orynbasary Ashat Mūhanovjūmysşy mamandyqtar özgerısterdıŋ alǧy şebınde tūratynyn atap öttı. Sebebı jasandy intellekt oqu şeberhanalarynda maŋyzdy qūralǧa ainaluda. Qostanaidan kelgen tarih pänınıŋ mūǧalımı ärı erekşe balanyŋ anasy Ūljan Baigenjina qyzmet barysynda şarşap-şaldyǧu mäselesıne jäne pedagogtardyŋ özara qoldaukörsetu ısın keŋeitu qajet ekenıne nazar audardy.
Atyraudan kelgen himiia pänınıŋ mūǧalımı İbrahim Baqdäuletūly oquşylardy olimpiadaǧa daiyndau kezınde Jİ qoldanudyŋ täjıribelık mysaldarymen bölıstı. Jetısu oblysy Jylandy auylyndaǧy mamandandyrylǧan lisei-internatynyŋ direktory Elmira Rapilova Almatydan tuǧan auylyna oralyp, joǧary oqu oryndarymen jäne demeuşılermen ärıptestık ornata otyryp, öz liseiınde injenerlık bılım beru sapasyn qalai arttyrǧanyn aitty. Otyrys moderatory – belgılı telejürgızuşı Saǧynyş Äbıkei.
Is-şara soŋynda Erlan Qoşanov bırqatar qatysuşyǧa «Ūstaz – ūlt ainasy» partiialyq nagradasyn tabystady. Biyldan bastap atalǧan nagradamen jyl saiyn elımızdıŋ üzdık pedagogtary marapattalady. Sondai-aq käsıbi qyzmetıbarysynda elge sıŋırgen eŋbegı üşın mūǧalımderge Premer-Ministrdıŋ orynbasary – Jasandy intellekt jäne sifrlyq damu ministrı Jaslan Mädiev pen Oqu-aǧartu ministrı Jūldyz Süleimenova vedomstvolyq nagradalar tabystady.
