“Olar saıqymazaq, aýzynyń dýasy joq shaldy tyńdaı ma?”: Saıat Medeýov ónerdegi áriptesterin synady

896
Foto: 365.info.kz
Foto: 365.info.kz

Belgili ánshi Saıat Medeýov Facebook-paraqshasynda áriptesterin synap jazba jarııalady, dep habarlaıdy “Adyrna” ulttyq portaly.

Óner ıesi keıbir áriptesteriniń áleýmettik jelide jarııalaǵan jazbalaryna kóńili tolmaıtynyn aıtty.

"Bir kezderi shegirtke dep kemsitkende, óre túregelip aıǵaı saldyq. Al, meniń ónerdegi keıbir áriptessymaqtarymnyń istep júrgenine qarasam, endi shegirtke bolmaǵanda ne boldyq degen oı keledi. Qatarymdaǵy jasy elýge taıap qalǵan keıbir baýyrlarymnyń qylyǵy qaryndy ashtyrady. Yrbyń-jyrbyń, túkke turǵysyz áńgime, aýzynan aq ıt kirip, kók ıt shyqqan bylapyt sóz. Elýde el aǵasy bolyp bata beretin jasqa keldińder ǵoı. Búgingi qulqynnyń quly úshin saıqymazaq bolyp júrgenderińdi erteń qartaıǵanda nemere-shóbereńe qalaı túsindiresiń? Qaı betińmen olarǵa aqyl aıtasyń? Olar saıqymazaq, aýzynyń dýasy joq shaldy tyńdaı ma? "Atan túıe qutyrsa jut bolady"- deıdi ánshi.

Ánshi mınıstrlik tarapynan áleýmettik jelige jarııalanǵan árbir jazba jiti qadaǵalanatyndaı zań qabyldanýy keregin aıtty.

"Búgin tanymal bolýdyń eń ońaı jolyn tańdaǵanmen, erteńgi kúnimizdi nege oılamaımyz? Qurmetti prezıdent myrza jáne depýtattar, urpaqtyń bolashaǵyn oılasaq, qazaqy qundylyqtary saqtalǵan ult bolamyz desek, búgingi betimen ketken áleýmettik jelini retke keltirý kerek", - delingen jazbada.

”Adyrna” ulttyq portaly

Pikirler
Uqsas jańalyqtar