Túrkııa men Ázirbaıjan jeńildetilgen kedendik dáliz qurýdyń sońǵy satysynda. Bul týraly Túrkııanyń saýda mınıstri Mehmet Mýsh málimdedi, dep habarlaıdy “Adyrna” ulttyq portaly.
«Biz bul jobany Ázirbaıjanmen pılottyq rejımde júzege asyrýdy bastaý úshin tehnıkalyq baza quryp jatyrmyz. Túrkııa Ózbekstanmen uqsas kedendik dálizdi júzege asyrýǵa daıyn», - dedi Túrkııanyń Saýda mınıstrliginiń basshysy seısenbi kúni Tashkentte Túrkııa, Ózbekstan jáne Ázirbaıjan syrtqy ister, saýda jáne kólik mınıstrleriniń úshjaqty kezdesýinde.
Mýshtyń aıtýynsha, Túrkııa, Ázirbaıjan jáne Ózbekstannyń jalpy ishki jalpy ónimi 1 trıllıon dollarǵa jetedi. Al úsh eldiń halqy 130 mıllıon adamdy quraıdy, bul úlken áleýettiń kórsetkishi.
Mýsh Ázirbaıjan jáne Ózbekstanmen jasalǵan jeńildikti saýda kelisimderiniń Túrkııanyń osy áleýetti júzege asyrýǵa bergen mańyzdylyǵyn bildiretinin atap kórsetti.
«Men bul kelisimderdiń aıasynyń keńeıýimen memleketaralyq qatynastardyń jańa dáýiri keledi dep oılaımyn. Sonymen qatar, kedendegi bıýrokratııany azaıtýǵa baǵyttalǵan sharalardyń qabyldanýy saýdany jeńildetedi jáne saýdaǵa oń áser etedi», - degen ol Ankaranyń kedendik rásimderdi jeńildetýge mán beretinin atap ótti.
«Ázerbaıjan men Ózbekstan Túrkııanyń Ortalyq Azııamen saýdasynda mańyzdy ról atqarady.Túrkııa óz kezeginde Ázirbaıjan men Ózbekstannyń Eýropa, Taıaý Shyǵys jáne Afrıka elderimen saýdasynda kópir qyzmetin atqarady», - dedi ol.
“Adyrna” ulttyq portaly
