Foto: Facebook/ polisiia Slovakii
Slovakiianyŋ batys bölıgınde, Nove-Zamki qalasyna jaqyn jerde jeŋıl sporttyq ūşaq qūlady. Apat saldarynan ekı adam qaza tapty, olardyŋ bırı – äskeri qyzmetker. Būl turaly Noviny.sk basylymy jazdy, dep habarlaidy “Adyrna”.
Aqparatqa säikes, ūşaq Kamenny-Most auylyna jaqyn jerde apatqa ūşyraǧan.
Ūşaq kabinasynda 41 jastaǧy ūşqyş bolǧan. Ol körşı auyldyŋ erıktı ört söndıruşısı jäne käsıbi äskeri qyzmetker. Onyŋ janynda 32 jastaǧy er adam otyrǧan. Qūtqaruşylar jedel jetkenımen, oqiǧa ornyna kelgen därıger ekı adamnyŋ da qaitys bolǧanyn anyqtady.
Polisiia mälımetınşe, apat ornyna äue jäne su kölıkterındegı oqiǧalardy zertteitın ūlttyq basqarmanyŋ sarapşylary jıberıldı.
«Apattyŋ naqty sebepterı men män-jailary anyqtaluy tiıs», – delıngen habarlamada.
