Mäjılıs Spikerı, «AMANAT» Töraǧasy Erlan Qoşanov Memleket basşysy Qasym-Jomart Toqaevtyŋ «Jasandy intellekt däuırındegı Qazaqstan: özektı mäseleler jäne ony tübegeilı sifrlyq özgerıster arqyly şeşu» atty Qazaqstan halqyna Joldauyn jüzege asyru boiynşa partiia aktivımen keŋeitılgen otyrys ötkızdı.
Is-şaraǧa Mäjılıs deputattary, qoǧam qairatkerlerı, Ortalyq apparat qyzmetkerlerı, «Jastar Ruhynyŋ» belsendılerı qatysty. Jiynǧa beinekonferensbailanys arqyly partiianyŋ barlyq öŋırlık filialy qosyldy.
Söz basynda Erlan Qoşanov «AMANAT» partiiasy Memleket basşysy Qasym-Jomart Toqaevtyŋ qoǧamdyq tıregı bola otyryp, Joldaudy auqymdy reformalardyŋ laiyqty jalǧasy, elımızdı damytu baǧytyndaǧy naqty ärı jüielı jūmystyŋ negızgı baǧdary retınde qarastyratynyn erekşe atap öttı.
«Prezidenttıŋ biylǧy Joldauy – «Halyq ünıne qūlaq asatyn memleket» tūjyrymdamasyn jüzege asyrudyŋ jarqyn mysaly. Onda qoǧamdy tolǧandyrǧan eŋ özektı sūraqtarǧa jauap berılıp, jahandyq bastamalardan bastap, kündelıktı ömırge qatysty barlyq mäseleler qamtyldy. «AMANAT» partiiasynyŋ basty mındetı – Memleket basşysy reformalarynyŋ qozǧauşy küşı bolu, saiasi tūraqtylyq pen qoǧamdyq kelısımdı qamtamasyz etu. Prezident bastamalaryn qoldau – būl bızdıŋ basty taŋdauymyz. Bızdıŋ ūzaq merzımdı missiiamyz da, partiianyŋ sentristık ūstanymy da osy müddemen ūştasyp jatyr», – dedı ol.
Partiia Töraǧasy Joldauda sifrlandyru qadamy jaŋa jalpyūlttyq tehnologiialyq ideiaǧa ainalǧanyna nazar audardy. Jasandy intellekt pen jaŋa tehnologiialar damudyŋ jaŋa qozǧauşy küşı sanalady. Köptegen salany sifrlandyru boiynşa keşendı ıs-şaralardy qolǧa alu josparlanuda. Partiia būl baǧytta azamattardyŋ, äsırese zeinetkerler men jasöspırımderdıŋ sifrlyq sauatyn arttyruǧa arnalǧan «Sifrlyq qoǧam» jobasyn jüzege asyruda. Endı partiialastar ony bükıl el aumaǧyna taratyp, Joldau şeŋberınde äzırlenetın jaŋa «Digital Qazaqstan» strategiiasynyŋ bır bölıgıne ainaldyruǧa tiıs.
Erlan Qoşanov Memleket basşysy auyl tūrǧyndarynyŋ äl-auqatyna erekşe nazar audarǧanyn atap öttı. Būl mäsele agrarlyq salanyŋ damuymen tıkelei bailanysty. «AMANAT» partiiasy bırneşe jyldan berı «Jer amanaty», «Auyl amanaty», «Agrosauat» jobalaryn jüzege asyryp keledı. Olar auyldy damytuǧa, auyl tūrǧyndarynyŋ tūrmysyn jaqsartuǧa qajet naqty ärı tüsınıktı qūraldardy ūsynady. Atalǧan jobalardy el azamattary jyly qabyldady. Tiısınşe, olar Prezident Joldauynda aiqyndalǧan jaŋa bastamalarǧa engızıluge tiıs.
Sondai-aq partiia Töraǧasy Memleket basşysy halyqtyŋ qarjylyq sauatyn arttyruǧa arnalǧan «Qaryzsyz qoǧam» partiialyq jobasyna qoldau bıldırgenın erekşe atap öttı. «AMANAT» Ükımetpen bırge zamanaui sifrlyq tehnologiialardy paidalana otyryp, onyŋ auqymyn keŋeitudı jalǧastyrady. Biyl call-ortalyq qūryldy, 40 zaŋgerdıŋ qatysuymen onlain-platforma jūmysy jolǧa qoiyldy, al öŋdelgen ötınışterdıŋ jalpy sany 800 myŋnan asty.
Is-şara barysynda Mäjılıs deputaty, «AMANAT» partiiasy fraksiiasynyŋ müşesı Rinat Zaiyt pıkır bıldırdı. Onyŋ aituynşa, Prezident aitqan bır ūlt ideiasyn etnikalyq maǧynada emes, qoǧam bırlıgınıŋ körınısı retınde tüsınu kerek, sebebı ūlttyq bırlık – Qazaqstannyŋ baiandy bolaşaǧynyŋ basty şarty.
Mäjılıs deputaty, «AMANAT» partiiasy fraksiiasynyŋ müşesı Ekaterina Smyşliaeva Memleket basşysy Joldauda sifrlyq transformasiianyŋ auqymdy mındetterın belgılep bergenın atap öttı. Ol «AMANAT» fraksiiasy bastamaşylyq etken Sifrlyq kodeks osy saladaǧy basty qūjatqa ainalatynyn jäne aldaǧy serpındı qadamdardyŋ qūqyqtyq alǧyşartyn jasauǧa mümkındık beretının mälımdedı. Deputat barlyq müddelı ūiymdardy onyŋ damuyna belsendı qatysuǧa şaqyrdy. Al «Astana Hub»-tyŋ bas direktory Maǧjan Mädiev sifrlyq transformasiia tabysty boluy üşın adami kapitaldy damytu jäne jas talanttardy qoldau qadamdary maŋyzdy basymdyqqa ainaluǧa tiıs ekenın aitty.
«Kaz Alpine Club» QB basqarma müşesı Erlan Smailov Prezident strategiialyq sala retınde aiqyndaǧan turizm baǧyty infraqūrylym men kadrlardy damytudy qajet etetının atap öttı. Onyŋ aituynşa, Qazaqstannyŋ şytyrman oqiǧaly turizmdı damytuǧa zor mümkındıgı bar. «AMANAT» partiiasy osy baǧyttaǧy jūmysty bastap, «Alatau amanaty» jobasyn ıske qosty. Joba jaŋa jūmys oryndaryn aşyp, turisterdı tartuǧa, sondai-aq jergılıktı jerlerde şaǧyn biznestı damytuǧa serpın bermek.
Mäjılıs deputaty, «AMANAT» fraksiiasynyŋ müşesı Aidos Sarym partiianyŋ basty mındetı – Prezident reformalarynyŋ mänın halyqqa, eŋ aldymen jastarǧa tüsındıre otyryp, ūlttyq bırlık pen kelısımdı nyǧaitu ekenın basa aitty. Deputattyŋ pıkırınşe, reformalar keŋ qoldau tauyp, azamattar olardyŋ jüzege asuyna atsalysuy üşın partiia Prezident Joldauyn elımızdıŋ ärbır tūrǧynyna qarapaiym ärı tüsınıktı tılmen jetkızuı qajet.
Mäjılıs deputaty Baqytjan Bazarbek zaŋdardyŋ oryndaluyn baqylauǧa arnalǧan sifrlyq kartany engızu jönınde ūsynys bıldırdı. Būl azamattardyŋ qūqyqtyq sanasyn arttyryp, qabyldanǧan zaŋdardyŋ mültıksız oryndaluyn qamtamasyz etuge jäne Memleket basşysynyŋ «Zaŋ jäne tärtıp» qaǧidasyn nyǧaituǧa mümkındık beredı.
Käsıpker, «TechnoWomen» basqarma töraǧasy Äziza Şöjeeva Prezident Joldauynda otandyq tauar öndıruşılerdı barynşa qoldau mäselesı köterılgenın atap öttı. Ol käsıpkerlerdıŋ būl bastamany ülken yqylaspen qabyldaǧanyn aityp, täuelsız syrtqy sauda alaŋyn qūrudy, sondai-aq ūlttyq jobalardy halyqaralyq naryqtarǧa şyǧaruǧa yqpal etetın partiia janynan käsıpkerlık keŋesın qūrudy ūsyndy.
Osylaişa, «AMANAT» partiiasy elımızdıŋ jetekşı saiasi küşı retınde Memleket basşysynyŋ barlyq saiasi jäne äleumettık-ekonomikalyq bastamalaryn tolyq qoldaidy. Mäjılıstegı partiia fraksiiasy Prezident Joldauynda qoiylǧan mındetterdıŋ zaŋnamalyq tūrǧydan oryndaluyn qamtamasyz etedı. Partiia aşyq dialogqa daiyn jäne el damuyna üles qosqysy keletın barlyq azamattarmen bırlese jūmys ısteuge äzır.
Sonymen qatar Erlan Qoşanov partiianyŋ Ortalyq apparaty men aimaqtyq filialdaryna Joldaudy halyq arasynda keŋınen nasihattap, Prezident aitqan reformalardy jüzege asyruǧa qoǧamnyŋ barlyq progressivtı küşterın jūmyldyru jönınde naqty tapsyrmalar berdı.
