Almaty oblysynyŋ prokuraturasy Talǧar audanynda er adamdy öltıru jäne kışkentai qyzdy ūrlau ısıne bailanysty polisiia qyzmetkerlerınıŋ äreketsızdıgı faktısı boiynşa qylmystyq ıs qozǧady. Būl turaly vedomstvonyŋ baspasöz qyzmetı mälımdedı, dep habarlaidy “Adyrna”.
«6 qyrküiekte Almaty oblysynyŋ prokuraturasy QR QK-nıŋ 370-babynyŋ 4-bölıgı (Lauazymdy tūlǧanyŋ äreketsızdıgı) boiynşa qylmystyq ıs tırkedı. Is Talǧar audandyq polisiia basqarmasy qyzmetkerlerınıŋ küdıktını der kezınde ūstau boiynşa şara qoldanbauymen bailanysty. Ol keiınnen er adamdy öltırıp, kämeletke tolmaǧan qyzdy ūrlap ketken», – delıngen resmi habarlamada.
Qazırgı taŋda ıstı arnaiy prokurorlar öndırıske aldy. Almaty oblystyq prokuraturasy tergeu barysy erekşe baqylauda ekenın atap öttı.
Sonymen bırge, vedomstvo qoǧamdy tek resmi derekközge senuge şaqyryp, jalǧan aqparat taratqandar zaŋ aldynda jauapkerşılıkke tartylatynyn eskerttı.
