Almatyda ekologiialyq ahualdy jaqsartu maqsatynda eskı avtokölıkterge arnalǧan aqyly aimaqtar engızu mäselesı qarastyrylyp jatyr, dep habarlaidy "Adyrna" ūlttyq portaly.
Tömen emissiialyq aimaqtar (LEZ) kölıkterdı şekteu üşın emes, jaŋa ekologiialyq talaptardy engızu arqyly auanyŋ lastanuyn azaitu üşın qūrylmaq. Evro-5 jäne Evro-6 standarttaryna sai kölıkter būl aimaqtarda tegın jüre alady.
Jüie aldymen pilottyq rejimde ıske qosylady, osy kezeŋde tölem alynbaidy. Būl uaqytta jüie testılenıp, kölık aǧymdary taldanady.
Qaladaǧy auaǧa şyǧatyn ziiandy zattardyŋ şamamen 60%-y kölıkterden taraidy, būl jylyna 112 myŋ tonnaǧa juyq. Onyŋ basym bölıgı eskı tehnikanyŋ ülesınde. Statistikaǧa süiensek, Almatydaǧy avtoparktıŋ 65,3%-y (şamamen 454,4 myŋ kölık) eskı.
Aqyly aimaqtardyŋ naqty şekaralary äzırge bekıtılgen joq. Olar keiın qala äkımdıgınıŋ qaulysymen anyqtalyp, resmi jariialanady. Jobada arnaiy jol belgılerı, jol taŋbalary jäne aqparattyq jüieler de qarastyrylǧan.
Basqarma ökılderı pilottyq joba şaǧyn aumaqta tegın negızde bastalyp, keiın monitoring nätijelerıne qarai keŋeitıletının nemese tüzetıletının, sodan soŋ aqyly jüiege köşırıletının aitty.
