Özbekstanǧa sapary barysynda İordaniia korolı Abdalla II men prezident Şavkat Mirziioev Samarqandtaǧy jergılıktı öndırıs önımder körmesın aralaǧan, dep habarlaidy "Adyrna" ūlttyq portaly Spot.uz saityna sılteme jasap.
Körmede Sahro Drone Industry kompaniiasy jasaǧan ūşqyşsyz ūşu apparattary (kvadrokopterler jäne ūşaq tärızdı qūrylǧylar) tanystyryldy.
Sahro Drone Industry biyl mamyrda qūrylǧan. Onyŋ qory – 10 mlrd sum (şamamen $812 myŋ).
Kompaniia ülesınıŋ 90%-y Top-IT kompaniiasyna tiesılı, al qalǧan 10%-y Özbekstan qorǧanys ministrlıgıne qarasty qorǧanys önerkäsıbı agenttıgınıŋ tolyq ielıgındegı MS-Investment-ke tiesılı.
Özbekstanda ūşqyşsyz apparattar öndırısın jolǧa qoiu jūmystary jürıp jatyr. «Uzbekiston 24» telearnasy şılde aiynda jergılıktı käsıporyndardyŋ elektrondy komponentter men baǧdarlamalyq jasaqtama daiyndauda belsendı ekenın habarlaǧan. Lokalizasiia deŋgeiı 80%-ǧa jetken.
2022 jyldan berı qorǧanys ministrlıgı baqylauymen Özbekstan öz brendımen Lochin («Laşyn») atty drondardy şyǧarady. Būl qūrylǧylar äskeri de, azamattyq ta maqsattarda qoldanylady.
