Kamchatkada taǧy da jer sılkınısı tırkeldı, dep habarlaidy "Adyrna" ūlttyq portaly.
Şyǧys jaǧalauda bolǧan jerasty dümpulerınıŋ magnitudasy 5,3 balldy qūraǧan.
Jer sılkınısı Petropavlovsk-Kamchatskii qalasynan (Resei) oŋtüstıkke qarai 218 şaqyrym jerde jäne Ozernovskii eldı mekenınen şyǧys-oŋtüstık-şyǧysqa qarai 78 şaqyrym jerde boldy. Petropavlovsk-Kamchatskiide 187 myŋ adam, al Ozernovskiide 2,6 myŋ adam tūrady.
Eske salsaq, 1952 jyldan bergı eŋ küştı jer sılkınısınen keiın ǧalymdar Kamchatka tübegınıŋ oŋtüstık bölıgı şamamen 2 metrge jyljyǧanyn anyqtaǧan edı.
Būǧan deiın, 30 şıldede, Kamchatkada magnitudasy 8,8 bolatyn joiqyn jer sılkınısı tırkelgen. AQŞ-tyŋ Geologiialyq qyzmetınıŋ mälımetınşe, būl - aspaptyq baqylau tarihyndaǧy eŋ quatty jer sılkınısterınıŋ bırı.
Sol zılzaladan keiın Kamchatkada sunami bolyp, Kliuchevskaia şoqysynda janartauy atqylai bastaǧan. Sondai-aq, soŋǧy ret şamamen 500 jyl būryn atqylaǧan Kraşeninnikov janartauy da oianǧan.
