8–10 tamyz aralyǧynda Astanada mereitoilyq X Spartakiada ötıp jatyr. Oǧan elımızdıŋ är öŋırınen kelgen şamamen myŋnan astam adam qatysuda. Barlyǧy – elımızdegı ırı käsıporyndardyŋ qyzmetkerlerı, negızınen jūmysşy jäne öndırıstık mamandyq ielerı.
Atalǧan sporttyq şara Jūmysşy mamandyqtary jylyna orai ūiymdastyrylyp otyr jäne el ekonomikasynyŋ tūraqtylyǧy men damuyna üles qosyp jürgen eŋbek adamdaryna degen qūrmettıŋ maŋyzdy simvolyna ainaldy.
Biyl saiystarǧa kölık, energetika, mūnai-gaz jäne basqa da jetekşı sala ökılderınen qūralǧan 14 komanda qatysuda. Baǧdarlama 14 sport türı men komandalyq, jeke jäne inkliuzivtı sport baǧyttaryn qamtidy. Mäselen, özgelermen qatar erekşe qajettılıkterı bar qyzmetkerler de darts pen üstel tennisınen baq synasady.
«Sport – bız üşın maŋyzdy baǧyt. Bız sportty Top ışınde de, el boiynşa da sporttyq infraqūrylymdy salu arqyly qoldaimyz. Soŋǧy üş jylda 90 myŋnan astam balany qamtityn 15 sport keşenın aştyq», – dedı «Samūryq-Qazyna» AQ basqarma töraǧasy Nūrlan Jaqypov.
Mūndai ıs-şaralar komandalyq ruhty nyǧaityp, serıktestık daǧdylaryn damytady jäne salauatty ūjymdyq mädeniettı qalyptastyrady. Būl äsırese myŋdaǧan qyzmetkerı bar jäne olardyŋ basym bölıgı öndırıs salasynyŋ mamandarynan tūratyn ūjymdar üşın maŋyzdy. Öitkenı olardyŋ jūmysy joǧary jauapkerşılık pen tärtıptı, käsıbi bılıktılıktı talap etedı.
Mereitoilyq Spartakiada naǧyz sporttyŋ, bırlık pen eŋbektı qūrmetteudıŋ merekesıne ainaldy. Ūiymdastyruşylardyŋ pıkırınşe, mūndai bastamalar ūjymdaǧy auyzbırşılıktı nyǧaityp, salalardyŋ tūraqtylyǧyn arttyrady.
Memleket basşysy Qasym-Jomart Toqaevtyŋ bastamasymen 2025 jyl elımızde Jūmysşy mamandyqtary jyly bolyp jariialandy. Atalǧan bastama jūmysşy mamandyqtarynyŋ bedelın arttyruǧa, bılıktı kadrlardy qoldauǧa jäne öndırıstık eŋbektıŋ ekonomikadaǧy rölın küşeituge baǧyttalǧan.
Prezident eldıŋ ärbır jetıstıgınıŋ artynda energetikter, maşinister, metallurgter, mūnaişylar, qūrylysşylar, mehanikter jäne kündelıktı öz ülesın qosyp jürgen özge de eŋbek adamdary tūrǧanyn bırneşe märte atap ötken edı.
*Spartakiada Nazarbaev universitetınıŋ Atletika ortalyǧynda ötıp jatyr.
