2025 jylǧy 8 tamyzda Finliandiia astanasynda Halyqaralyq kinologiia federasiiasynyŋ (FCI) aiasynda ötken World Dog Show 2025 bükılälemdık itter körmesınde qazaqy tazy tūqymynyŋ resmi älemdık tūsaukeserı öttı, dep habarlaidy “Adyrna” ūlttyq portaly Liter.kz saityna sıltep.
Qazaqstan Respublikasy Prezidentı Is basqarmasynyŋ mälımetınşe, halyqaralyq jarystarǧa qatysu üşın qataŋ ırıkteuden ötıp, arnaiy daiyndyqtan ötken 8 tazydan qūralǧan qazaqstandyq delegasiia körmege qatysty. Älemnıŋ tükpır-tükpırınen kelgen 25 myŋnan astam ittıŋ ışınde bızdıŋ itter tūŋǧyş ret FCI moiyndaǧan jeke tūqym retınde öner körsettı.
Jarys nätijelerı elımız üşın aituly oqiǧa boldy: bes tazy öz ringterınde jüldelı oryndarǧa ie boldy. 2025 jylǧy älemnıŋ jas chempiony ataǧyn Temırlan esımdı tazy jeŋıp aldy. Älem chempiony atanǧandar Laşyn, Aru, vise-chempiondar — Kökserek, Pana boldy.
Sonymen qatar, Laşyn men Aru öz sanattarynda Finliandiia chempiondary ataǧyna da ie boldy.
Qazaqstan pavilony – ūlttyq elementterı bar jartylai kiız üi türınde bezendırılgen. Ol körme qonaqtary men qatysuşylary arasynda ülken qyzyǧuşylyq tudyrdy. Qonaqtar tazy itterımen suretke tüsıp, tūqymnyŋ tarihymen jäne erekşelıkterımen tanysty.
Qazaqstan kinologtar odaǧynyŋ mamandary tazynyŋ şyǧu tegı, özındık sipattary, erekşe aŋşylyq qasietterı, sondai-aq būl tūqym nege ūlttyq qazyna bolyp sanalatyny jäne nege qazaqtyŋ jetı qazynasynyŋ qataryna kıretını jaily aityp berdı.
Tazyny saqtau jäne älemge tanytu jūmystary Memleket basşysynyŋ tapsyrmasymen jüzege asyrylyp jatyr jäne 2022 jylǧy tamyzdan bastap QR Prezidentı Is basqarmasynyŋ qamqorlyǧynda. Üş jyl ışınde Qazaqstan kinologtar odaǧymen bırlesıp auqymdy jūmystar atqaryldy.
- 2023 jylǧy tamyzda Qazaqstan kinologtar odaǧy FCI-dıŋ tolyqqandy müşesı bolyp, ūlttyq tūqymdardy tanystyru qūqyǧyna ie boldy.
- 2024 jylǧy mamyrda Astanada monotūqymdyq körme ötıp, onda FCI komissiiasy 100 tazyny tekserdı.
- 2024 jylǧy 3 qyrküiekte Amsterdamda «qazaqy tazy» tūqymynyŋ aldyn ala moiyndaluy jäne Qazaqstanǧa standart iesı märtebesın beru turaly şeşım qabyldandy.
World Dog Show 2025 körmesındegı öner körsetu jäne tazynyŋ Helsinkidegı resmi tūsaukeserı osy joldaǧy maŋyzdy qadamdardyŋ bırı boldy.
