Ükımettegı baspasöz konferensiiasynda tötenşe jaǧdailar vise-ministrı Kegen Tūrsynbaev Almaty oblysynda joǧalyp ketken äskeri tıkūşaqqa qatysty soŋǧy mälımettermen bölıstı, dep habarlaidy "Adyrna" ūlttyq portaly.
Onyŋ aituynşa, 25 şıldede qorǧanys ministrlıgınen Otyrar audany maŋynda tıkūşaqtyŋ joǧalǧany turaly aqparat tüsken. Sol künnen bastap jedel ızdestıru jūmystary bastalǧan. Tıkūşaqtar arqyly aimaqty şolu jürgızılıp, Sorbūlaq su qoimasy mūqiiat tekserılgen.
"Qazkosmos" sputniktık suretterınde janar-jaǧarmai ızıne ūqsas belgıler anyqtalǧan. Keiın däl osy aumaqtan tıkūşaqtyŋ bırneşe bölşegı tabylǧan. Osyǧan bailanysty arnaiy jedel ştab qūrylyp, ızdeu jūmystary küşeitıldı.
«Qazırgı uaqytta Sorbūlaq aumaǧynyŋ 50 paiyzy zertteldı. Su qoimasynyŋ tereŋdıgı 5-ten 25 metrge deiın, al tübı – batpaqty jäne laily. Keibır tūstarda 1 metr tereŋdıktıŋ özınde körınu mümkın emes», – dedı Kegen Tūrsynbaev.
Izdeu jūmystary qorǧanys ministrlıgınıŋ üilestıruımen, kün şyqqannan kün batqanǧa deiın jürgızılıp jatyr. Tötenşe jaǧdailar ministrlıgı de öz resurstaryn jūmyldyryp otyr.
Eske salaiyq, 2025 jylǧy 25 şıldede Qaruly küşterdıŋ Äue qorǧanys küşterıne tiesılı EC-145 tıkūşaǧy josparly ūşu kezınde radarlardan joǧalyp ketken bolatyn. Oqiǧaǧa qatysty tergeu jalǧasuda.
