Qazaq tılı türkı tektes halyqtar tılderı ışındegı eŋ bai tıl dep maqtanǧanda jer kökke syimaimyz. Maqtanyşymyz oryndy. Mūny aiǧaqtaityn är jyldary basylǧan tüsındırme sözdıkterımız de (2 tomdyq, 10 tomdyq, 15 tomdyq degendei) jetkılıktı. Maqtanuǧa kelgende qazaq sözı azdyq etse, analardyŋ anasy degen qasiettı ūǧym bıldıretın «Ūmai ana» degen sözdı bılmemek te (öitkenı tüsındırme sözdıkte joq) orystyŋ «mama» sözın qazaq tılı dep tüsındırıp, tüsındırme sözdıgımızge kırgızıp, ana tılımızdı «baiytyp» qoiamyz.
Bıraq tüsındırme sözdıkterde (bırınde emes, bärınde) qate tüsındırgen sözderdıŋ on emes, jüz emes myŋdap sanalatynyn, tıptı, kündelıktı qoldanystaǧy myŋ sözdıŋ kırmei qalǧanyn aityp jahanǧa jar salsaq ta Qazaqstan Respublikasynyŋ tılge qūzyrly mekemelerı (ministrlıkten bastap) qaperıne ılgen joq. Bügınderı barlyq arparat qūraldary «öz tılderınde» sairap jür.
Bıregei «Ūlttyq telearnanyŋ» bıldei jürgızuşısı Şerhan Jambylūlynyŋ auzynan «5 jasar bala «bas miy» jarqatyn aldy» degen sözdı estıgenımızde miymyz zyrq ete qaldy. (6-tamyz, qorytyndy aqparat) Tılıŋe terısken şyǧaratyn būl tırkes Şerhannyŋ auyzynan oqys şyqqan joq, ekrannyŋ tömengı bölıgıne battityp tūryp jazyp ta qoiǧan.
«Sengen qoiym sen bolsaŋ maŋyraǧanyŋnan» degendei ūlttyq arnamyzdyŋ tılı osylai bolsa, özge aqparat qūraldaryna syn qoiu artyq bolar. Sonda ūlttyq arnanyŋ bas miy men basqa milary qai jerlerınde?
Bodauhan Toqanūly, jurnalist
