Jurnalist Käken Qamzin äleumettık jelıdegı jazbasynda alaiaqtardyŋ arbauyna qalai tüskenı turaly jazdy, dep habarlaidy "Adyrna" ūlttyq portaly.
Onyŋ aituynşa, 12 mausym künı özın qalalyq energojüie qyzmetkerı retınde tanystyrǧan bır äiel habarlasyp, üidegı elektr eseptegıştıŋ eskırgenın aityp, jeke mälımetterın sūratqan.
Keiın «Qarjy baqylau departamentınen», artynan özın «ŪQK maiorymyn» dep tanystyrǧan adam bailanysqa şyǧyp, mälımetterı alaiaqtardyŋ qolyna tüskenın aityp, arnaiy operasiiaǧa kömektesuge mındettı ekenın eskertken.
Osy sätten bastap Käken Qamzin bırneşe adamnyŋ baqylauynda qalyp, olardyŋ aitqanyn mültıksız oryndai bastaǧan. «Bälkım, telefon arqyly gipnoz da qoldanyldy», – deidı ol. Solardyŋ aituymen ol öz jinaǧyn «Ūlttyq banktıŋ esebıne audaru kerek» dep bırneşe terminal arqyly aqşasyn jıbergen. Keiın Halyq bankten 5 million teŋge şeşıp, belgısız bır kurerge bergen.
Alaiaqtar mūnymen şektelmei, Käken Qamzinge «derekterdı jaŋalau üşın üiıŋızdı naryq baǧasynan tömen baǧaǧa satu qajet» dep, 26 mausymda 31 million teŋgege päterın satqan. Olar üige jalǧan habarlandyru ornalastyryp, satyp aluşylardy özderı tapqan. Alaiaqtardyŋ būiryǧymen ol būl somany da kurer arqyly ötkızgen.
Jurnalist naqty alaiaqtardyŋ qūrbany bolǧanyn 4 şıldede ǧana bılgen. Üige polisiiamen bırge kelgen satyp aluşylar jaǧdaidy tüsındırıp ketken. Sol kezde ǧana onyŋ aldanyp qalǧany anyqtaldy. Qazır būl ıs boiynşa qylmystyq ıs qozǧalyp, üi arestke qoiylǧan.
Käken Qamzinnıŋ aituynşa, üidı satyp alǧan köpbalaly otbasy da alaiaqtardyŋ qūrbany. Olar da baspanasyz qalǧaly otyr. Jurnalist būl oqiǧamen bölısu arqyly özgelerdıŋ de saq boluyn qalaidy.
