Qazaqstandyq oquşylar biologiia pänı boiynşa älemdegı eŋ bedeldı ziiatkerlık doda – IBO-2025 Halyqaralyq biologiia olimpiadasynan tört qola medal jeŋıp aldy, dep habarlaidy "Adyrna" ūlttyq portaly.
Olimpiada biyl Filippinde öttı.
80 elden 320-dan astam daryndy jas qatysqan būl saiysta Qazaqstan qūramasynyŋ barlyq müşelerı jüldelı bolyp, 100 paiyzdyq komandalyq nätije körsettı.
Qola medal ielengen oquşylar qatarynda Pavlodar oblysyndaǧy «Bılım-innovasiia» lisei-internatynyŋ 10-synyp oquşysy Ersultan Qaiyrken, Öskemen qalasyndaǧy Nazarbaev Ziiatkerlık mektebınıŋ 11-synyp oquşysy Batyr Erjanūly, Astana qalasyndaǧy Nazarbaev Ziiatkerlık mektebınıŋ 12-synyp oquşysy Aiǧanym Baltaşeva jäne Almaty qalasyndaǧy «Bılım-innovasiia» lisei-internatynyŋ 8-synyp oquşysy Alihan Aşyrhanov bar.
Komandaǧa ǧylymi jetekşılık etken – otandyq jas biolog-ǧalymdar Leila Asqarova men İlias Sakimov.
Olimpiada ekı negızgı kezeŋnen tūrady: teoriialyq bölımde qatysuşylar molekulalyq jäne jasuşalyq biologiia, genetika, ekologiia, evoliusiia jäne biojüieleu salalary boiynşa kürdelı tapsyrmalardy oryndady. Al praktikalyq bölımde zerthanalyq jūmystar, mikroskopiia, ülgılermen jūmys ısteu jäne biologiialyq prosesterdı taldau sekıldı naqty täjıribelık daǧdylar synaldy.
Qazaqstan 1994 jyldan berı IBO olimpiadasyna tūraqty türde qatysyp keledı. Osy uaqyt aralyǧynda ūlttyq qūrama 2 altyn, 18 kümıs, 56 qola medal jäne 12 qūrmet gramotasyn jeŋıp alǧan.
Aita keteiık, ötken jyly Qazaqstan būl bedeldı olimpiadany öz elınde ötkızıp, taǧy da 100 paiyzdyq nätijege qol jetkızgen bolatyn.
