AQŞ prezidentı Donald Tramp İzrail men İran arasyndaǧy qaruly qaqtyǧysqa bailanysty beibıt kelısımge qol jetkızılgenın habarlady. Būl turaly ol 24 mausym künı Truth Social äleumettık jelısındegı paraqşasynda jazdy, dep habarlaidy “Adyrna”.
Onyŋ aituynşa, aldaǧy bırneşe saǧat ışınde taraptar tolyq jäne tübegeilı atysty toqtatu rejimın ornatady.
«İzrail men İran tolyq jäne tübegeilı atysty toqtatu turaly kelıstı. Qazırgı sätten bastap şamamen 6 saǧat ışınde taraptar özderınıŋ soŋǧy äskeri missiialaryn aiaqtaidy. Osydan keiın 12 saǧat ışınde soǧys aiaqtalǧan dep jariialanady», — dedı Tramp mälımdemesınde.
Onyŋ sözıne sensek, İran atysty toqtatudy bırınşı bolyp bastaidy. Al 12 saǧat ötken soŋ İzrail de soǧys äreketterın doǧarady. 24 saǧat ışınde bükıl älem 12 künge sozylǧan soǧystyŋ resmi aiaqtalǧanyn jariialap qarsy almaq.
«Būl soǧys jyldarǧa sozylyp, bükıl Taiau Şyǧysty joiyp jıberuı mümkın edı. Bıraq ol bolmady, endı eşqaşan bolmaidy da! Qūdai İzraildı jarylqasyn, Qūdai İrandy jarylqasyn, Qūdai Taiau Şyǧysty jarylqasyn, Qūdai Amerika Qūrama Ştattaryn jarylqasyn, Qūdai bükıl älemdı jarylqasyn!» - dep aiaqtady AQŞ prezidentı özınıŋ sözınde.
Alaida, Tramptyŋ būl mälımdemesıne bailanysty İran da, İzrail de resmi tüsınıkteme bergen joq. Taraptar atysty toqtatu turaly qandai da bır kelısımge kelısken-kelıspegenı äzırge belgısız.
Eske salsaq, İzrail men İran arasyndaǧy qaqtyǧys soŋǧy aptada uşyǧyp, aimaqtaǧy jaǧdaidy kürdelendırıp jıbergen bolatyn. 12 künge sozylǧan būl äskeri qaqtyǧysta jüzdegen adam qaza tauyp, myŋdaǧan adam jaralandy.
17 mlrd dollarlyq mämıleden – İbrahim kelısımıne deiın. Prezidenttıŋ AQŞ-qa sapary nelıkten maŋyzdy?
