Qazaqstannyŋ bırınşı hanymy Sara Nazarbaeva Almaty qalasyndaǧy prezident ıs basqarmasynyŋ medisinalyq ortalyǧyna qarasty Ūlttyq gospitalde em qabyldap jatyr. Būl turaly mekeme äkımşılıgı Informburo.kz saitynyŋ resmi saualyna bergen jauabynda aitty, dep habarlaidy «Adyrna» tılşısı.
«Pasient qajettı emdeu kursynan ötude. Barlyq medisinalyq şara bekıtılgen standarttarǧa sai jürgızılıp, bılıktı mamandardyŋ baqylauymen jüzege asyrylyp jatyr», - delıngen habarlamada.
Klinika Sara Nazarbaevanyŋ naqty diagnozy men densaulyq jaǧdaiyna qatysty mälımettı jariia etpeitınderın jetkızdı. Aitularynşa, būl — medisinalyq qūpiia. Mūndai aqparat tek nauqastyŋ öz kelısımımen ǧana berıluı mümkın.
«Medisinalyq etika men käsıbi jauapkerşılık qaǧidattaryna säikes, medisinalyq ūiymdar nauqastyŋ jeke derekterın qūpiia saqtau tärtıbın qataŋ ūstanuy tiıs. Aqparatty jariialamau turaly şeşım pasienttıŋ jeke ömırıne qūrmet körsetu, onyŋ qūqyǧyn qorǧau jäne emdeu prosesıne syrtqy aralasudyŋ aldyn alu maqsatynda qabyldandy», – dep naqtylady gospital äkımşılıgı.
Aita keteiık, mamyr aiynda Sara Nazarbaeva qaitys boldy degen qaueset taraǧan edı. Alaida būl aqparatty eks-prezident Nūrsūltan Nazarbaevtyŋ baspasöz hatşysy Aidos Ükıbai joqqa şyǧardy. Keiınnen Sara Alpysqyzynyŋ auruhanaǧa jatqyzylǧany belgılı boldy.
