Bügın, 11 şıldede Äsiia Aqanova basqa lauazymǧa auysuyna bailanysty Almaty qalasy Qoǧamdyq densaulyq saqtau basqarmasynyŋ basşysy qyzmetınen bosatyldy. Būl aqparatpen oŋtüstık astana äkımdıgı bölıstı, dep habarlaidy "Adyrna".
Aqanova qalalyq Qoǧamdyq densaulyq saqtau basqarmasy basşysynyŋ mındetın atqaruşy bolyp 2024 jyldyŋ qaraşa aiynda Almaty äkımı Erbolat Dosaevtyŋ ökımımen taǧaiyndalǧan bolatyn.
Äsiia Aqanova därıgerler otbasynda tuyp-ösken. «Bolaşaq» baǧdarlamasynyŋ tülegı bola otyryp, University College London (2013) jäne Asfendiiarov atyndaǧy Qazaq Ūlttyq Medisina universitetın (2015), "Jalpy Medisina" mamandyǧy boiynşa doktoranturany (2016) bıtırgen. Sondai-aq, Qazaqstan Respublikasy Prezidentınıŋ janyndaǧy Memlekettık basqaru akademiiasynda jergılıktı jäne memlekettık basqaru mamandyǧy boiynşa oquyn aiaqtady (2024). Iskerlık äkımşılendıru magistrı därejesıne ie.
Äsiia Aqanova eŋbek jolyn 2011 jyly QazŪMU otbasylyq medisina kafedrasynyŋ zerthanaşysy jäne ädıskerı, dosentı, keiın kafedra meŋgeruşısı bolyp bastaǧan. 2018-2020 jyldar aralyǧynda Almatyda Belsendı ūzaq ömır süru ortalyǧynyŋ aşumen jäne oǧan basşylyq jasaumen ainalysty. 2022 jyldan bastap qazırgı uaqytqa deiın ol VIII sailanǧan Almaty qalasy mäslihatynyŋ deputaty bolyp tabylady. Sonymen qatar, bügıngı künge deiın äl-Farabi atyndaǧy QazŪU otbasylyq medisina kafedrasynyŋ dosentı retınde ǧylymi-pedagogikalyq qyzmetın jalǧastyruda.
