Qart jurnalist, professor Käken Qamzin alaiaqtardyŋ arbauyna tüsıp, jalǧyz baspanasynan aiyrylmaq, dep habarlaidy “Adyrna” ūlttyq portaly.
Būl turaly jurnalist Aibar Oljai jelıdegı paraqşasynda jazdy.
Onyŋ aituynşa, ardager ūstaz kinodaǧydai ssenariimen aldanyp, jalǧyz üiınen aiyrylyp qalmaq.
Alaiaqtar aldymen «Energosbyt» ökılderı retınde habarlasyp, JSN, mekenjaiy, päter nömırı siiaqty jeke mälımetterın bılıp alǧan. Keiın özın Ūlttyq qauıpsızdık komitetınıŋ qyzmetkerımız dep tanystyrǧan adam telefon şalyp, «bıreuler üiıŋızdı tartyp almaqşy» dep qorqytyp, üiın tez satuǧa köndırgen. «Aqşany Ūlttyq banktıŋ arnaiy şotyna salasyz» degen jeleumen professor üiın notarius arqyly satyp, alǧan qarajatyn alaiaqtar jıbergen kurerge tabystap jıbergen.
Qazırgı uaqytta būl oqiǧa boiynşa Almaty qalasy Äuezov audandyq polisiia basqarmasy qylmystyq ıs qozǧaǧan. Aibar Oljaidyŋ aituynşa, Almaty qalalyq Polisiia departamentı būl ıske jıtı nazar audaruy tiıs. Sonymen qatar, jurnalist Işkı ıster ministrı Erjan Sadenovten ıstı jeke baqylauyna aludy sūraidy.
Qazır Käken Qamzin Almatydaǧy öz üiınde jalǧyz. Ol päterın iemdenıp alǧandardyŋ tarapynan töngen qauıpke bailanysty üi ışınde barrikada jasap, özın qorǧauǧa mäjbür. Aibar Oljaidyŋ aituynşa, jaŋa qojaiyndar tünde kelıp, qoqan-loqqy körsetıp jatyr.
