Būrynǧy Ädılet ministrı Marat Beketaev 9 jylǧa sottaldy. Būl turaly bügın Antikordyŋ resmi ökılı Daniiar Begaidarov aitty, dep habarlaidy «Adyrna» tılşısı.
Ol qylmystyq ıstıŋ alaiaqtyq, asa ırı kölemdegı ūrlyq, käsıpkerlık qyzmetke zaŋsyz qatysu faktılerı boiynşa tergelgenın mälımdedı.
Resmi ökıl eks-ministrdıŋ ısı «Qūpiia» belgısımen tergelgendıkten, qylmystyq oqiǧanyŋ män-jaiy jariia etılmeitının atap öttı.
Eske salaiyq, Beketaev 2023 jyldyŋ qazan aiynda qamauǧa alynǧan bolatyn. Oǧan «ülesker kompaniianyŋ müddesın qoldap, memleketke ülken kölemde şyǧyn keltırdı» degen aiyp taǧylǧan. Sondai-aq «Memleket basşysynyŋ zaŋsyz şyǧarylǧan aktivterdı ızdeu jäne qaitaru jönındegı tapsyrmasyn oryndau şeŋberınde lauazymdyq ökılettıkterın asyra paidalandy» degen küdıkke ılıngen bolatyn.
Beketaev 2016-2022 jyldary Ädılet ministrı bolǧan. Ol Qaŋtar oqiǧasynan soŋ qyzmetınen bosatylǧan, keiın premer-ministrdıŋ keŋesşısı qyzmetıne taǧaiyndalǧan edı. Bıraq ol keŋesşı qyzmetınen bır jyldan keiın ketken.
