20 mausymda Jenevada İran syrtqy ıster ministrı men Ūlybritaniia, Fransiia jäne Germaniia syrtqy ıster ministrlerı arasynda kelıssözder öttı, dep habarlaidy "Adyrna" ūlttyq portaly.
Kezdesu barysynda taraptar aimaqtaǧy şielenıstı azaitu men iadrolyq qauıpsızdık mäselelerın talqylaǧan.
Kelıssöz barysynda İrandy AQŞ-pen dialogqa qaita oraluǧa şaqyrdy.
Ūlybritaniianyŋ syrtqy ıster ministrı Devid Lemmi kelıssözden keiın pıkır bıldırdı.
«Europa elderı İranǧa iadrolyq qaruǧa ielık etuge jol berılmeitının aşyq jetkızdı», – dep mälımdedı.
Aita keteiık, İran jaǧy äskeri iadrolyq baǧdarlama bar ekenın būrynnan joqqa şyǧaryp keledı.
Euroodaqtyŋ syrtqy ıster jönındegı ökılı Kaia Kallas Jenevadaǧy kelıssözderdı oŋ baǧalap, taraptardyŋ "iadrolyq jäne özge de maŋyzdy mäseleler boiynşa bailanysty jalǧastyruǧa" kelıskenın aitty. Al Lemmi pıkırtalasty "konstruktivtı" dep atady.
İran delegasiiasynyŋ ökılı Abbas Arakchi de jaǧdaiǧa qatysty mälımdeme jasady.
«Bız diplomatiiaǧa daiynbyz, bıraq tek basqynşylyq toqtatylǧan kezde ǧana. Basqynşy qylmysy üşın mındettı türde jauap beredı», – dep mälımdedı.
