Alaköl – Abai oblysynyŋ ǧana emes, bükıl Qazaqstannyŋ turistık äleuetı joǧary aimaqtarynyŋ bırı. Jaz mezgılınde myŋdaǧan demaluşylardy baurap alatyn körkem köl jaǧalauynda biyl köptegen jaŋaşyl jobalar ıske asyp jatyr. Aimaq äkımdıgı men tiıstı organdardyŋ keşendı jūmystary nätijesınde turisterdıŋ qauıpsız ärı jaily demaluyna jaǧdai jasau basty basymdyqtardyŋ bırıne ainaldy.
Oblystyq biudjetten bölıngen 1,5 mlrd teŋgeden astam qarajat esebınen jaǧalaudaǧy infraqūrylym jaŋartyluda.
Arbat aimaǧynda aǧymdaǧy jöndeu jūmystary jürgızılıp, demalys aimaqtary men sauda oryndaryn qamtityn keŋıstık qūryluda. Jaǧalaudyŋ sanitarlyq jaǧdaiyn jaqsartu üşın 25 moduldık därethana, 35 kiınu kabinasy, 50 qoqys jäşıgı, 86 beinebaqylau kamerasy ornatylmaq.
Köl maŋyndaǧy joldardyŋ sapasy da nazardan tys qalǧan joq. Jalpy qūny 1,09 mlrd teŋgege juyq somaǧa 21 şaqyrym jol jöndelıp jatyr. Sonymen qatar, qatty tūrmystyq qaldyqtar poligonynyŋ jobalyq qūjattamasy daiyndaluda.
Turisterge qolaily kölık qatynasyn qamtamasyz etu maqsatynda 2025 jylǧy mausymda Alaköl baǧytyna avto, äue jäne temırjol qatynastary ūiymdastyrylady. «Scat» jäne «Oŋtüstık aspan» äuekompaniialary arqyly aptasyna 19 reiske deiın ūşu josparlanuda. Temırjol baǧytynda «Semei – Jalaŋaşköl» poiyzy, al avtokölıkpen 9 baǧyt boiynşa qatynas qamtamasyz etıledı.
Qauıpsızdık – basty nazarda. Jaǧalauda arnaiy oqytylǧan 10 qūtqaruşy, 7 mūnara, 7 pirs jäne builarmen jabdyqtalǧan 5 şaqyrym jaǧalau şomylu mausymynda qauıpsızdıktı qamtamasyz etedı. Sonymen qatar, turisterge 45 polisiia qyzmetkerı jäne 14 medisina qyzmetkerı kömek körsetuge daiyn.
Alaköl maŋynda «Qazaq Oil» janarmai beketınıŋ aşyluy – öŋır tūrǧyndary men qonaqtaryna körsetılgen taǧy bır ülken qoldau.
Alaköl – jaily demalys, qauıpsız orta jäne zamanaui infraqūrylymnyŋ üilesımdı ülgısı.
