Para alyp ūstalǧan Mädeniet jäne sport vise-ministrı Säken Mūsaibekov "Barys" hokkei klubynyŋ bas direktory bolyp taǧaiyndaldy, dep habarlaidy "Adyrna" ūlttyq portaly.
Mäjılıs kuluarynda Turizm jäne sport ministrı būl jaǧdaiǧa qatysty pıkır bıldırdı.
"Zaŋnama aiasynda bügıngı künı ol kısıge sport salasynda qyzmet atqaruǧa şekteuler joq. Hokkeidıŋ jaǧdaiyn bılesızder. 35 ūpai ǧana jinady. Odan bölek halyqaralyq jarystarda da öte tömen nätije tırkeldı. Qūryltaişylar keŋesımen taǧaiyndalyp jatyr. Bıraq ministrlık tarapynan 1 jylǧa naqty talaptar qoiyldy. Tapsyrmalar berıldı. Halyqaralyq arenada joǧary jobalary bar," - dedı ministr.
Eske salaiyq, Mädeniet jäne sport vise-ministrı qyzmetın atqaryp jürgende Säken Mūsaibekov 2021 jyly Qylmystyq kodekstıŋ 190-baby 3-bölıgınıŋ 1-tarmaǧy boiynşa ırı kölemde alaiaqtyq jasady dep aiyptalǧan bolatyn. Iаǧni bukmekerlık qyzmet salasyndaǧy müddelerge qoldau körsetkenı üşın para alǧan delınedı. Ol kınäsın moiyndap, memleketke 62 mln teŋge kölemınde aiyppūl tölep qūtylǧan edı. Endı "Barys" hokkei klubynyŋ bas direktory bolyp taǧaiyndaldy.
Sonymen qatar Ūlttyq Olimpiada komitetınde qysqy olimpiadalyq sport türlerı jönındegı vise-prezident jäne Şaibaly hokkei federasiiasynyŋ bas direktory qyzmetın de atqarady.
