Almatydaǧy Nauryzbai audandyq sotynda Mūqaǧali Maqataevty «sorly erkek» degen bloger Älışer Temenovke qatysty ıs toqtatyldy, dep habarlaidy «Adyrna» tılşısı.
Bloger Qylmystyq kodekstıŋ 131-baby 2-bölıgı (Qorlau) boiynşa aiyptalǧan bolatyn.
16 mausymda ötken sot otyrysynda jäbırlenuşı Jūldyz Maqataev aiyptaluşyǧa keşırım berdı. Al Temenov kınäsın tolyq moiyndap, qylmystyq ıstı jäbırlenuşımen tatulasuyna bailanysty qysqartudy sūrady.
Sudia ükım şyǧaru üşın zaldan şyqqan kezde bloger jäbırlenuşıge ekı million teŋgenı qolma-qol berıp, kölıgınıŋ kıltın de tabystady. Taraptar tatulasuyna bailanysty sot ıs jürgızudı toqtatyp, Temenovtı qylmystyq jauapkerşılıkten bosatty.
Eske salaiyq, būǧan deiın Jūldyz Maqataev äkesın balaǧattaǧan blogerdı sotqa berıp, moraldyq şyǧyn retınde 10 million teŋge sūraǧan bolatyn.
