Jetisý oblysynyń Panfılov aýdanynda 15 jastaǵy Quralaı Qısabekovany aıýandyqpen zorlap, artynsha máıitti órtep jibergen kúdiktige qatysty tyń derekter shyqty, dep jazady "Adyrna" ulttyq portaly.
"Vremıa" basylymynyń habarlaýynsha, Jetisý oblysy Sholaqaı aýylynyń 15 jasar oqýshysy shildeniń 21-i kúni keshki ýaqytta qurbysyna ketip, sol kúıi úıine oralmaǵan. Polıııa qyzmetkerleri iz-túzsiz joǵalǵan qyzdy kelesi kúni izdeýge kiristi. Olarǵa aýyl turǵyndary da qosylyp, sońǵy sátke deıin qyzdyń aman-esen tabylatynyna úmittengen edi...
Biraq buǵan deıin qyz zorlaǵany úshin eki ret sottalǵan 38 jastaǵy Rýstam Ahmetov óz kinásin moıyndap, qamaýǵa alyndy. Kúdikti de Sholaqaı aýylynyń turǵyny bolyp shyqty.
“5-6 jyl buryn kámeletke tolmaǵan qyzdy zorlady, jazany tolyq ótemeı jatyp bostandyqqa shyqty. Odan keıin taǵy bir qyzdy zorlap, jazadan qutylý úshin oǵan úılendi. Endi bul ońbaǵannyń aram qoly bizdiń qyzymyzǵa da jetti. Biz qyzymyzdy izdep júrgende bul qanisher eshteńe bolmaǵandaı Jarkentti aralap, taksıletip júrdi. Biz sońyna deıin qyzymyz tiri dep úmittendik, biraq ony óli kúıinde taptyq”, – dep jylaıdy marqum qyzdyń ápkesi Kámshat Kópbaeva.
Almaty oblystyq polıııa departamenti baspasóz qyzmetiniń habarlaýynsha, kúdikti mektep oqýshysymen jynystyq qatynasqa túskenin, odan keıin jasaǵan áreketinen qoryqqandyqtan óltirgenin moıyndap otyr.
"Kúdiktiniń aıǵaqtaryn tekserý jáne naqtylaý kezinde jábirlenýshiniń máıiti aýyldardyń biriniń shetindegi jerlengen jerinen shyǵarylyp, sot-medıınalyq saraptamasyna jiberildi. Kúdikti ýaqytsha ustaý ızolıatoryna qamaldy, is boıynsha birqatar qajetti saraptamalar taǵaıyndaldy", - delingen habarlamada.
Kúdiktige qatysty 3 qylmystyq is qozǵaldy. Ol kem degende 17 jyl bas bostandyǵynan aıyrylýy múmkin.
"Adyrna" ulttyq portaly
