Taldyqorǵan qalasyndaǵy «Otbasy bankniń» Almaty oblystyq fılıaly BAQ ókilderiniń qatysýymen arnaıy press-týr ótkizdi. Onda Jetisýdyń kindik qalasynda boı kóterip jatqan kópqabatty úılerdiń qurylysymen tanystyrdy. Aıta keteıik, irge tasy qalanǵan bul úıler «Otbasy bank» arqyly qarashaǵa úlestiriletin bolady.
«Otbasy banktyń» kómegi arqyly alýǵa bolatyn turǵyn úılerdiń biri, qaladaǵy eń ásem aýdan — «Qaratal» yqsham aýdanynda ornalasqan. 48 páterlik 6 qabatty úıdi “Real stroy” JShS salýda.
Sonymen qatar «Jetisý Jılstroı» JShS-de shahardaǵy 9 –shy jáne «Samal» yqsham aýdandarynda jalpy sany 128 pásterdiń qurylysyn júrgizýde. Atalǵan kópqabatty turǵyn úıler monolıt jáne teploblok materıaldarynan salynýda.
Búgingi kúni, 78 páterli qos úı boı kóterip jatyr. Jaýaptylar, 2023 jyly tolyqtaı qoldanysqa ótedi dep sendirýde. Esterińzge salamyz, turǵyn úıge qurlys kompanııalarynan páterdi qolma-qol aqshaǵa satyp alý nemese nesıe rásemdeý arqyly qol jetkizýge bolady.
Pana bolar baspanaǵa ıemdenýdiń birden-bir yńǵaıly joly-memlekettik baǵdarlalamar. «Otbasy bank» atalmysh baǵdarlamalar sheńberinde óńir halqynyń úıli bolýyna bar múmkindikti qarastyrǵan. Máselen, qazirgi tańda «Nurly jer» memlekettik baǵdarlamasy aıasynda 8 yqsham aýdanda 137 páterlik turǵyn úı qoldanysqa berýge saqadaı saı tur. Sondaı-aq taǵy da 10 úıdiń qurylysy júrgizilýde. Onyń ekeýi keler jyldyń birinshi toqsanynda memlekettik baǵdarlama sheńberinde el ıgiligine bereledi dep kútilýde.
«Bıyl «Otbasy bankiniń» qurylǵanyna – 19 jyl. Osy ýaqyt aralyǵynda Almaty oblystyq fılıaly ondaǵan baǵdarlamalardy júzege asyryp, nátıjesinde júzdegen myń adam «Otbasy Bankiniń» arqasynda qonys toıyn toılady. Tek ótken jyly ǵana bizdiń fılıal 3678 adamǵa qaryz bergen, osy jyldyń 6 aıynda bul kórsetkish 1501 — di quraıdy», — dep bólisti «Otbasy bank» AQ Almaty oblystyq fılıaly dırektorynyń orynbasary Jasulan Qurmanǵalıev.
Bankte «Áskerı baspana», «Baqytty otbasy», «Shańyraq», «Nurly jer» memlekettik baǵdarlamalary boıynsha nesıe rásimdep, baspanaly bolýǵa múmkindik bar. Ótken jyly «Áskerı baspana» arqyly 151 adam nesıe alsa, bıyl bul kórsetkish 22-i kórsetip tur. Al «Shańyraq» arqyly 2021 jyly 1008, «Baqytty otbasy» aıasynda 427 adam baspanaly bolǵan.
Bazylany eldiń basty máselesi-baspana . Búginde qanshama adam páter jaldap kúneltýde. Osy tusta, eldegi turǵyn úı qurylys jınaqtary júıesin iske asyratyn jalǵyz «Otbasy bank» arqyly turǵyn úıge qol jetkizýge bolatynyn eske salamyz, múmkindikti jiberip, qapy qalyp qalmańyz.
