800-den astam poıyz vagondarynyń tozyǵy jetip, ábden eskirgen. Bul týraly Qazagstan ulttyq telearnasy málimdedi.
Elordanyń eski vokzaly arqyly táýligine 36 poıyz ótedi. Ǵımaratqa kúnine 12 myń jolaýshy kelip ketedi. Jolaýshylar úshin qazir ekinshi ne úshinshi jolǵa toqtaǵan poıyzǵa jetý muń bolyp tur. Sebebi vokzaldaǵy 10 eskalatordyń bári isten shyqqan.
Jolaýshylar týnel arqyly nemese bıik satymen júrýge májbúr. Onyń syrtynda arbaǵa tańylǵan kembaǵal jandar úshin arnaıy jol da qarasytyrlmaǵan.
«Eskalatordyń bólshekterin ýaqytyly ákelmegendikten, ýaqyty ótken saıyn biz amal joq kelisim-shartty buzýǵa mindettimiz. Al ol kompanııalardy senimsiz kompanııalardyń tizimine engizý jumystary júrip jatyr. Shaǵymdar túsip jatyr. Biraq biz qolymyzdan kelgenshe bizdiń kezekshilerimiz bar, taksılerine deıin júkterin jetkizip kómektesemiz», - dedi Nur-Sultan-1 temirjol vokzalynyń bastyǵy Ǵalym Ábdihanov.
Qazaqstan Temir Joly Ulttyq kompanııasynyń ókilderi bul maýsymdyq másele deıdi. Halyq jazda jıi saparlaıtyn bolǵandyqtan, tapshylyq týyndaıdy.
«Bıyl el ishindegi demalys aımaqtaryna baratyn halyq sany artyp otyr. Sondyqtan bılet jetispeýshiligi týyndap jatyr. Biraq jolaýshylardan aryz-shaǵym tússe, soǵan qarap biz qosymsha vagondar tirkep jatyrmyz. Qazir 158 baǵyt boıynsha poıyzdar qatynap jatyr», - dedi «Jolaýshylar tasymaly» AQ bas dırektordyń marketıng jáne satý jónindegi orynbasarynyń mindetin atqarýshy Erlan Jımaılov.
“Adyrna” ulttyq portaly
