Memlekettik hatshy bir jyl buryn Qazaqstanda aýyl ákimderin tikeleı saılaý tetigi jumys isteı bastaǵanyn eske saldy. Máselen, ótken jyldyń shilde aıynan beri 1093 aýyldyq eldi mekenniń basshysy saılandy, dep jazady "Adyrna" ulttyq portaly.
«Olardyń 215-i ózin-ózi usynǵandar, jańadan saılanǵandardyń 116-sy áıel adamdar», - dedi ol.
Qarın aýyl ákimderiniń korpýsy 55,6%-ǵa jańartylǵanyn, bul 608 jańa aýyl basshysy degendi qosty. Onyń aıtýynsha, olardyń aıtarlyqtaı bóligi buryn memlekettik qyzmette jumys istemegen. Aýyl turǵyndarynyń qoldaýyn muǵalimder, dárigerler, kásipkerler, jergilikti kásiporyndar men sharýa qojalyqtarynyń basshylary aldy.
Jańa ákimderdiń basym bóligi Mańǵystaý – 77,8% (18-niń 14-i), Qaraǵandy – 77,2% (79-dyń 61-i) jáne Jambyl – 71% (72-niń 51-i) oblystarynda.
Sondaı-aq, osy jeksenbi, 31 shildede 27 aýyldyq okrýgte saılaý ótetini belgili boldy. Al jyl sońyna deıin taǵy 214 aýyl basshysy saılanady.
1037 aýyldyq okrýgte saılaý 2023 jáne 2024 jyldarǵa belgilengen.
Sondaı-aq aldaǵy ýaqytta aýdan ákimderiniń tikeleı saılaýyn ótkizý josparlanýda.
Sonymen qatar, jańa konstıtýııalyq reformaǵa sáıkes, búgin oblys ákimderi oblys máslıhattary depýtattarynyń daýys berý qorytyndysy boıynsha taǵaıyndalady.
«Osylaısha, elimizdiń saıası júıesi dáıekti túrde qaıta qurylýda, memlekettik basqarýǵa demokratııanyń jańa quraldary engizilýde», - dep túıindedi Memlekettik hatshy.
"Adyrna" ulttyq portaly
