Túrkistan oblysynyń qylmystyq ister jónindegi mamandandyrylǵan aýdanaralyq soty alty jasar ulyn baltamen óltirgen oblys turǵynyna qatysty úkim shyǵardy. Sondaı-aq, kóp balaly ákeniń nelikten óz balasyn óltirmek bolǵany belgili boldy, dep jazady "Adyrna".
Eldi dúrliktirgen oqıǵa aǵymdaǵy jyldyń 4 naýryzynda bolǵan. Anyqtalǵandaı, bul kúni ákesi kishkentaı balasyn úı janyndaǵy orman ekpelerine otyn jınaýǵa alyp ketken.
«Sot tergeýimen anyqtalǵandaı, 2022 jyly 4 naýryzda Saıram aýdanynda 1974 jyly týǵan sottalýshy otyn jınaımyn degen jeleýmen 2016 jyly týǵan ulyn úıiniń aldyndaǵy toǵaıǵa alyp ketken. Kýágerlerdiń kelmeýin paıdalanyp, sottalýshynyń oń qolyndaǵy temir baltanyń jalpaq jaǵymen jábirlenýshiniń sol jaq súıegine bir ret uryp, denesin kóterip, birneshe ret soqqy jasaǵan. Balanyń moıyn aımaǵyna temir baltanyń úshkir ushy tıip, sonyń saldarynan ol jábirlenýshiniń basyn kesip alǵan», - degen jantúrshigerlik málimetterdi Túrkistan qalalyq sotynyń baspasóz qyzmeti habarlady.
Sol kúni aýyl turǵyny ustaldy. Onyń ústinen «kisi óltirý» baby boıynsha qylmystyq is qozǵaldy. Búgin sotta úkim oqyldy.
"Sottalýshynyń kinási sot-medıınalyq saraptamasynyń qorytyndysymen (esi durys), jábirlenýshilerdiń qylmystyq istegi basqa da dáleldermen sáıkes keletin jaýaptarymen jáne sottalýshylardyń óz kinásin moıyndaýymen rastaldy. Buǵan deıin sottalýshy Q. sottalmaǵan, shyn júrekten ókiný jazany jeńildetetin mán-jaılarǵa jatqyzylǵan, aýyrlatatyn mán-jaılar anyqtalmaǵan», - dep tolyqtyrdy sot.
Prokýror sottalýshyǵa baptyń 3-bóliginde kózdelgen eń joǵary jazany taǵaıyndaýdy surady. QR QK-niń 99-baby «Adam óltirý» - 15 jyl qatań rejımde. Sýdıa Dáýren MADALIEV aıyptaý tarapynyń ustanymymen kelisti.
«Túrkistan oblysynyń qylmystyq ister jónindegi mamandandyrylǵan aýdanaralyq sotynyń 2022 jylǵy 29 shildedegi úkimimen sottalýshy Qazaqstan Respýblıkasy Qylmystyq kodeksiniń 99-babynyń 3-bóliginde kózdelgen qylmysty jasaǵany úshin kináli dep tanylyp, Q. jazany qylmystyq-atqarý júıesiniń qaýipsizdigi barynsha qamtamasyz etilgen mekemede óteýmen, 10 jylǵa pedagogıkalyq jumys jáne kámeletke tolmaǵandarmen jumys isteýge baılanysty laýazymdardy atqarý quqyǵynan aıyra otyryp, 15 (on bes) jyl merzimge bas bostandyǵynan aıyrylsyn, dep habarlady oblystyq sottyń baspasóz qyzmeti.
Bes balanyń ákesiniń eleń etkizgen áreketiniń sebebi týraly negizgi saýalǵa oblystyq sottyń baspasóz qyzmeti onyń materıaldyq jaǵdaıy qıyn bolǵandyqtan bes balanyń kenjesin óltirýge barǵanyn aıtty.
Ol otbasynyń únemi aqshasyz júrgenine alańdady. Olarǵa balalardy asyraý qıyn boldy. Osyǵan baılanysty ol stıhııaly túrde osylaısha shyǵyndardy azaıtýǵa sheshim qabyldady, dep túsindirdi baspasóz qyzmeti.
