«QazMunaıGaz» basshysy M. Myrzaǵalıev Atyraý MÓZ bardy

3857
Adyrna.kz Telegram

2022 jylǵy 28 shildede «QazMunaıGaz» UK AQ Basqarma tóraǵasy Maǵzum Myrzaǵalıev Atyraý munaı óńdeý zaýytynda bolyp, qalpyna keltirý jumystarynyń barysymen tanysty.

Qazirgi ýaqytta Atyraý MÓZ dınamıkalyq jabdyqtar men qondyrǵylardy kezeń-kezeńimen iske qosý júrgizilýde.

M.Myrzaǵalıev kásiporyn basshylyǵyna qysqa merzimde iske qosý-retteý jumystaryn aıaqtaýdy, jabdyqtyń jumysqa qabilettiligin qalpyna keltirýdi jáne tutynýshylarǵa qorlardan munaı ónimderin jóneltýdi jalǵastyrýdy tapsyrdy. Sonymen qatar, shtattan tys jaǵdaılardyń qaýpin odan ári azaıtý úshin qajetti jumystardy júrgizý qajettigin atap ótti.

«Qazirgi ýaqytta zaýytta iske qosý-retteý sharalary jalǵasýda, tehnologııalyq obektilerdiń jumysyn kezeń-kezeńimen qalpyna keltirý, jabdyqty munaı ónimderi men katalızatordan tazartý jumystary júrgizilýde. Bul jumystarǵa táýlik boıy 250-ge jýyq jumysshy tartylǵan. Búgingi tańda bizde 26 myń tonna benzın, 22 myń tonna dızel otyny, tórt myń tonna kerosın bar. Benzın men dızel otynyn tutynýshylarǵa jetkizý 5-6 kúnge, kerosın bir aptaǵa jetedi», - dep baıandady AMÓZ bas dırektory Murat Dosmuratov.

Qazirgi ýaqytta Atyraý MÓZ elektrmen jabdyqtaý qalpyna keltirildi. Shıkizatty óńdeýdi bastaý 28 shilde kúni keshke josparlanǵan.

Pikirler