Búgin elimizdiń maqtanyshy, qos ǵaryshkerimiz Toqtar Áýbákirov pen Aıdyn Aıymbetov dúnıege kelgen kún.
Toqtar Ońǵarbaıuly Áýbákirov 76 jasqa toldy (27 shilde 1946 jyl, Qarqaraly aýdany, Qaraǵandy oblysy, Qazaqstan) — qazaqtan shyqqan tuńǵysh ǵaryshker, ushqysh, Keńes Odaǵynyń Batyry (1988), Qazaqstan Respýblıkasynyń Halyq qaharmany (1995), tehnıka ǵylymynyń doktory (1998), professor (1997), Qorqyt Ata atyndaǵy Qyzylorda memlekettik ýnıversıtetiniń qurmetti professory. Akademık E.A.Bóketov atyndaǵy Qaraǵandy ýnıversıtetiniń Qurmetti professory (3 mamyr 2022 jyl).
Aıdyn Aqanuly Aıymbetov erdiń jasy 50-ge keldi (27.07.1972, Almaty oblysy, Taldyqorǵan qalasy, Ótenaı aýyly) - Qazaqstan ǵaryshkeri, Halyq qaharmany. Shyqqan rýy jalaıyr. Ol mektepti altyn medalmen bitirgen. 1993 jyly Armavırdegi joǵarǵy áskerı avıaııalyq ýchılıeni "ushqysh-ıstrebıtel" mamandyǵy boıynsha aıaqtady.
"Adyrna" ulttyq portaly
