«Qazaqstandaǵy №1 nýtrııolog bolasyzdar». Bir top qazaqstandyqtar osyndaı ýáde bergen «Health Academy» densaýlyq akademııasynyń jumysyna narazy. Bul týraly “Adyrna” ulttyq portaly Stan.kz saıtyna silteme jasap habarlaıdy.
Qyzylorda qalasynyń turǵyny, kóp balaly ana Sınaı Ámirhanova – “Health Academy” akademııasynda onlaın bilim alǵan jandardyń biri. Negizgi keńsesi Almaty qalasynda ornalasqan oqý ortalyǵynyń dárisin ol segiz aıǵa jýyq tyńdaǵan. Jas kelinshek akademııaǵa 500 myń teńge tólegenin aıtady, alaıda oqýdyń sapasyna esh kóńili tolmaǵanyn jasyrmaıdy.
“Men bul akademııa týraly áleýmettik jelilerden bildim. Onyń ústine oqý ortalyǵynyń SMM mamany úgittedi. Tanymal ánshi Mádına Sádýaqasova, bloger Balqııa Baltabaı sekildi tulǵalardyń jasaǵan jarnamasyna da sendim. Bilikti nýtrııolog bolyp, jeke kabınetterińdi ashyp jumys jasaı alasyńdar dedi. Akademııa basshysy Talshyn Artyqqyzy kýrs barysynda analızderdi taldaýdy, balalardyń as qorytý fızıologııasyn, detoksıkaııa jasaý, ishek aýrýlaryn jáne ındıvıdýaldy emdeýdi úıretemin dedi. Barlyq sertıfıkattarym bar. 500 myń teńgeni bankten nesıe arqyly aldym, biraq maǵan eshqandaı fıskaldy chek berilmedi. Alaıda akademııa oqý bitirgennen keıin bergen dıplomy men sertıfıkattary esh jaramsyz eken. Jeke kásibimdi ashýǵa kirister departamentine barǵanymda mamandary tirkeýden bas tartty. Osylaısha akademııaǵa aldanyp qaldym”, - deıdi qyzylordalyq kelinshek.
Gúldana Amanbaı da atalmysh akademııanyń qyzmetine júgingen. Búginde ol Almaty qalasyndaǵy klınıkalardyń birinde anestezıst bolyp eńbek etedi. Dekrettik demalysy kezinde jańa baǵytta bilim alyp, jeke nýtrııolog kabınetin ashýdy josparlaǵan eken. Alaıda ol qomaqty qarajatym jelge ushty dep ashynady.
“Qazir men biletin 30-dan astam bilim alýshy ádildik izdep shyryldap júr. Biz akademııa aqshamyzdy qaıtaryp berýin talap etemiz. Oqýǵa 500 myń tóledim, sol qarjyǵa turarlyq bilim berilgen joq. Ǵalamtordaǵy oryssha málimetterdi bizge aýdaryp bere salǵan. Keri baılanys bolmady. Akademııanyń jarnamasyna aldanyp qaldyq. Bizge kóp ýáde berilgen edi, ókinishke qaraı, eshqaısysy oryndalmady. Dıplomymyz ben sertıfıkattarymyz eshnársege jaramaı qaldy”, - dep ashynady Gúldana Amanbaı.
Búginde “Health Academy” akademııasyn támamdaǵan bir top qazaqstandyqtar ádildik izdep quqyq qorǵaý organdaryna júgingen. Shaǵymdanýshylardyń aıtýynsha, olardyń aryzy negizinde tıisti tergeý sharalary júrgizilýde. Alaıda oqý ortalyǵynyń jumysy toqtaǵan joq. Qazirdiń ózinde akademııa Instagram áleýmettik jelisi arqyly jarnamasyn júrgizip, kópshilikti nýtrııologııa boıynsha bilim alýǵa shaqyryp jatyr.
“Men Túrkistan oblysy Qazyǵurt aýdanynyń turǵynymyn. Akademııanyń dıplomy bar nýtrııolog mamandaryn daıarlaımyz degen jarnamasyna qyzyqtym. Akademııanyń jumysyn Talshyn Artyqqyzy men kúıeýi Eldar Ospanov júrgizdi. Sabaq onlaın formatta ótkendikten kelisimshartqa qol qoıylmady. Dıplomdy alǵannan keıin onyń eshqandaı kúshi joq ekenin bildim. Zańsyz jaramsyz qujatty alý úshin bir jylǵa jýyq ýaqytym men qomaqty qarajatym ketti. Sabaq barysynda berilgen aqparat sapasyz jeliden alynǵan bolyp shyqty”, - deıdi Aıjan Ýsmanova esimdi taǵy bir bilim alýshy.
Bolǵan jaǵdaıdy anyqtaý úshin, saıt tilshisi “Health Academy” densaýlyq akademııasyna habarlasqan bolatyn. Oqý ortalyǵynyń basshylyǵy bolyp jatqan keleńsiz jaǵdaı týraly habardar bolyp shyqty, arnaıy jaldaǵan zańgeri resmı málimet bergen bolatyn.
“Atalmysh akademııa 2021 jyldan beri jumys jasap keledi. Qosalqy bilim berý qyzmetterin júzege asyrýda. “Health Academy” durys tamaqtanýǵa qatysty aqparattyq bilim beretin mekeme bolǵandyqtan, munda oqyǵan shákirtter alǵan bilimderin tekjeke ózderiniń durys tamaqtanýyna paıdalana alady. Al medıına, hımııa jáne bıologııa bilimderi bar shákirtter durys tamaqtaný boıynsha keńesshi bolyp, «Health Academy» alǵan bilimderin tájirıbede qoldana alady”, - dep jaýap berdi akademııa advokaty Qadyrjan Moldashárip.
Qazir shaǵymdanýshy tarap quzyrly organdarynyń jumys nátıjesin kútýde.
“Adyrna” ulttyq portaly
