Memleket basshysy Qasym-Jomart Toqaev Ýkraına Prezıdenti Vladımır Zelenskıımen telefon arqyly sóılesti, dep habarlaıdy «Adyrna» tilshisi.
Ýkraına tarapynyń bastamasymen ótken áńgimelesý barysynda Qasym-Jomart Toqaev pen Vladımır Zelenskıı birin-biri eki el arasyndaǵy dıplomatııalyq qatynastardyń 30 jyldyǵymen quttyqtady. Bul ataýly kún 23 shildede atap ótiledi.
Qasym-Jomart Toqaev osy kezeń ishinde ekonomıkalyq jáne gýmanıtarlyq salalardaǵy ekijaqty yntymaqtastyqty damytýda mańyzdy ári oń nátıjelerge qol jetkizilgenin atap ótti.
Qazaqstan Prezıdenti BUU-nyń kómek kórsetýimen Ýkraına astyǵyn eksporttaý jónindegi Túrkııada qol jetkizilgen úshjaqty kelisimge oń baǵa berdi.
Zelenskıı Toqaevqa DHR men LHR-di moıyndamaǵany úshin alǵys aıtty.
Memleket basshysy Ýkraınadaǵy jaǵdaıdy dıplomatııalyq jolmen retteýge qatysty Qazaqstannyń túbegeıli ustanymyn rastady.
