Astanada 7 myńnan astam adam gepatıt indetine shaldyqqan

2900
Adyrna.kz Telegram

Qamshy.kz saıtyny habarlaýynsha: 2017 jyldyń statıstıkalyq derekterine súıenetin bolsaq, Astana qalasynda gepatıt aýrýyna shaldyqqan 7005 adam tirkeldi: onyń 95-i bala (ártúrli jastaǵy balalar men jasóspirimder) jáne 6910-y eresek adam.

Adam aǵzasyndaǵy eń mańyzdy qyzmetterdiń birin baýyr atqaratyny belgili. Baýyr adam aǵzasynyń hımııalyq zerthanasy bolyp sanalady, óıtkeni qandy tazartý men ýly zattardan aryltýǵa kómektesetin basty ishki múshelerdiń qataryna jatady. 300 mıllıardqa jýyq baýyrdaǵy jasýsha qannan aǵzaǵa qajetti qyshqyldar men qorek bolar ónimderdi bólip alyp, súzgiden ótkizip, qajetti jerine jetkizip otyrady.

Gepatıt nemese sary aýrý – gepatıt vırýstary men ınfekııalardan bolatyn baýyrdyń ótkir jáne sozylmaly qabyný aýrýlary. Gepatıttiń A, V, S, D jáne E túrleri bary belgili. Olardyń árqaısysynyń óz erekshelikteri bar.

Gepatıt kóbinese sımptomsyz ótedi nemese basqa aýrýlardyń sımptomdaryna uqsas keletindikten dıagnozdy der kezinde qoıý qıyn. Sonysymen gepatıt qaýipti aýrý bolyp sanalady. Asqynýynyń saldarynan baýyr ırrozy, baýyr isigi, fıbroz sııaqty qaýipti syrqatqa alyp keledi.

Gepatıt vırýstary lastanǵan taǵamdar men sý paıdalaný, antısanıtarlyq jaǵdaıda ómir súrý, vırýs juqqan qandy quıý, bosaný kezinde juqtyrý, jynystyq qatynas, aǵzaǵa ýly zattardyń túsýi, jeke gıgıena talaptaryn saqtamaý sııaqty túrli joldar arqyly beriledi. Al vırýstan qorǵanýdyń eń basty joly – aýrýdyń aldyn alý, ıaǵnı jeke tazalyqty saqtaý, taza aýyz sýdy tutyný, qaýipsiz jynystyq baılanys, nashaqorlyq quraldardy qoldanýdan bas tartý, kosmetıkalyq sharalardy arnaıy mekemelerde jasatý, ınekııa úshin bir rettik ıne men shprıti qoldaný, qan ónimderiniń qaýipsizdigin qamtamasyz etý, vakınaııa jasaý.

-Immýndaý sharasy jyl saıyn 2-3 mıllıon adamnyń ómirin saqtap qalýǵa múmkindik beredi. Qazaqstanda sońǵy 25 jylda jappaı ekpe jasaý nátıjesinde V gepatıtimen aýyrǵan balalar sany 1234,5, eresekter sany 311,5 ese azaıǵan. Qazirgi tańda gepatıtten qorǵanýdyń eń tıimdi joly – ekpe saldyrý. Bul rette memleket kepildendirilgen tegin medıınalyq kómek paketi arqyly azamattarǵa qaýipti aýrýlardyń, sonyń ishinde, gepatıttiń aldyn alýǵa zor múmkindik beredi», - dedi «ÁMSQ» KEAQ Astana qalasy boıynsha fılıalynyń dırektory N.Qabdyqaparov.

Pikirler