Ózin "prokýrordyń áıelimin" dep kúzetshige dórekilik tanytqan 38 jastaǵy Jaına Ýrazalına bolǵan oqıǵanyń mán-jaıyn túsindirip, kópshilikten keshirim surady, dep jazady "Adyrna" ulttyq portaly.
Jaına Ýrazalınanyń aıtýynsha, oqıǵa bolǵan kúni kúndizgi saǵat 14:00 shamasynda ol balalaryn sport klýbyna ákelgen. Balalaryna dúkennen sýsyn alý úshin kóligin mekeme aldyndaǵy turaqqa qoıǵan. Alaıda klýbtyń artynda ornalasqan ákimshilik ǵımarattan kúzetshi syrtqa shyǵyp, dóreki túrde kólikti turaqtan alyp tastasyn degen.
"Men oǵan "qazir dúkenge baryp keleıin, sosyn kólikti alyp tastaımyn"dedim. Ol meniń anama qatysty boqaýyz sózdi aıtyp, balaǵattady. Sóıtip men ol ǵımaratqa kirip, basshysyn izdedim. Ol onyń ornynda joq ekenin aıtty. Sodan keıin men odan ózimniń, balalarymnyń aldynda keshirim suraýyn talap ettim. Ol taıaǵyn alyp, maǵan jáne balalaryma bas saldy. Meniń balalarym qorqyp ketti, qyzym jylady. Ol anamdy, meni jáne balalarymdy qorlap, namysymyzǵa tıdi», – deıdi ol.
Áıel janjal barysynda kúıeýin ne úshin prokýror dep aıtqanyn túsindirip berdi.
"Birneshe qyzmetkerler maǵan jabylǵannan keıin kúıeýim prokýror dep ashýlanǵannan aıta saldym. Mekeme qyzmetkerlerinen keshirim suraǵym keledi. Keshe sot otyrys ótti. Maǵan ákimshilik jaza taǵaıyndady. Men óz kinámdi moıyndadym. Degenmen, men sotta shyn máninde oqıǵanyń qalaı bolǵanyn aıtyp berdim. Ata-anamyzǵa qatysty balaǵat sózder aıtýǵa eshkimniń quqyǵy joq", — dedi ol.
"Adyrna" ulttyq portaly
