Qazaqstanda jaŋa mektepter qarqyndy türde salynyp jatyr, al maman tapşylyǧy älı de bar. Būl turaly Suleiman Demirel atyndaǧy universitettıŋ rektory Davronjon Gaipov aitty.
Onyŋ aituynşa, elımızde mūǧalım tapşylyǧyn joiu maqsatynda qolǧa alynǧan qaita daiarlau kurstary mäselenı şeşuge septıgın tigızedı. Pedagogikalyq bılımı joq mamandar kurstan ötıp, mektepte sabaq bere alady. Rektor joba qalai jüzege asyrylyp jatqanyn tüsındırdı.
«Qazaqstanda jaŋa mektepter qarqyndy türde salynyp jatyr, al maman tapşylyǧy älı de bar. Äsırese, informatika, fizika pänderınıŋ mūǧalımderı sūranysqa ie. Universitetımızdegı Bılıktılıktı arttyru jäne innovasiia ortalyǧy osy baǧytta jūmys ısteidı. Pedagogikalyq qaita daiarlau kurstaryn ötkızu – älemdık üderıs. Būl – Angliiadaǧy PGCE baǧdarlamasynyŋ qazaqstandyq analogy bolyp tabylatyn ziiatkerlık önım. Aralas formatta ötetın alty ailyq oqytu kursyn sättı aiaqtaǧan tyŋdauşylarǧa mektepte mūǧalım bolyp jūmys ısteuge qūqyq beretın memlekettık ülgıdegı sertifikat berıledı. Bızdıŋ ortalyqtyŋ basqalardan erekşelıgı – praktikaǧa baǧyttalǧan pedagogikalyq komponentterdı beremız. Sondai-aq būl kurstarǧa magistranttar da qatysa alady», – dedı ol.Bakalavr diplomy qaita daiarlau baǧdarlamasynda öteiın dep jatqan pänderge säikes boluy kerek. Mamandyǧy säikes kelmeitın tülekter būl baǧdarlamaǧa qatysa almaidy. Osy uaqytqa deiın Pedagogikalyq qaita daiarlau kursyna 17 maman qatysyp, onyŋ tek jeteuı sertifikattalǧan maman atandy. Solardyŋ bırı – matematik Qymbat Jüsıpova.
«Men Qaraǧandy oblysy Sätpaev qalasynda jekemenşık bılım beru ortalyǧyn aştym, sonda matematikadan sabaq beremın. Bılıktılıgımdı arttyru maqsatynda, sabaq berudıŋ jaŋa ädıstemelerın üirenu üşın 6 ailyq kursqa qatystym. Maǧan sabaqtar men emtihandardyŋ onlain formatta ötkenı tiımdı boldy. Äsırese, matematika, XXI ǧasyrdaǧy köşbasşylyq, psihologiia sabaqtary maǧan erekşe ūnady. Köp jyldan berı mektepte jūmys ıstep jürgen ūstazdarǧa zamanaui formatta sabaq berudı üirenu üşın qaita daiarlaudan ötuge keŋes beremın», – dedı ol.QR Oqu-aǧartu ministrı Ashat Aimaǧambetov būl bastama mektepke sapaly mūǧalımderdı tartu maqsatynda jüzege asyrylyp jatqanyn alǧa tartady.
«Mysaly, matematika mamandyǧyn igergen, bıraq pedagogika boiynşa diplom almaǧan mamandar bar. Endı zaŋnamaǧa engızılgen özgerıske säikes, matematikter pedagogikany oqytatyn arnaiy kurstan keiın mektepte mūǧalım bola alady. Osy räsım boiynşa mektepke sapaly mūǧalımderdı tartamyz. Pedagog boluy kerek degen mındet joq. Basty şart – matematikany jaqsy bılu», – dedı ministr.SDU rektorynyŋ aituynşa, qazırgı taŋda kursqa qatysuǧa niet bıldıruşıler köp, alaida, ümıtkerler qataŋ ırıkteuden ötıp, talapqa sai mamandar ǧana sertifikat alady.
«Kursqa qatysuşy öz baǧytyn dūrys taŋdauy qajet. Mysaly, IT mamany qazaq tılı men ädebietı pänı mūǧalımderın daiarlau baǧdarlamasyna qatysa almaidy. Sondai-aq 6 ailyq kurs barysynda JOO-larda 4 jyl oqytatyn bazalyq bılımdı emes, sabaq berudıŋ zamanaui ädıstemesın üiretetınımızdı atap ötkım keledı. Iаǧni qatysuşynyŋ joǧary, ne orta bılım al¬ǧanyn rastaityn qūjaty, mamandyǧy boiynşa bazalyq bılımı boluy qajet. Oǧan qosa aǧylşyn tılın kem degende A2 deŋgeiınde meŋgeruı kerek. Ony rastaityn sertifikat bolmaǧan jaǧdaida, ötınış beruşı universitette aǧylşyn tılınen test tapsyrady. Qazırgı taŋda aqyly bolsa da kursqa sūranys joǧary, alaida aldaǧy uaqytta memleket tarapynan qoldau körsetılu yqtimaldyǧy bar. Qyrküiek aiynda kurstyŋ üşınşı legı jūmysyn bastaidy», – dep tüsındırdı Davronjon Gaipov. Atap öteiık, universitet pedagogikalyq baǧyttaǧy mamandardy daiarlauǧa erekşe köŋıl böledı. Jaŋadan aşylǧan «Mektepke deiıngı bılım beru», «Bastauyş pedagogika jäne ädıstemesı», «Pedagogika jäne psihologiia», «Äleumettık pedagogika» bılım beru baǧdarlamalary bolaşaq pedagogterdı syni tūrǧyda oilauǧa, analitikalyq taldau jasauǧa, ǧylymi-zertteu jūmystarynyŋ nätijelerıne süiene otyryp bılım beruge üiretedı.
